АҞӘА, хәжәк 6 – Sputnik. Ажәабжьтә мультимедиатә амаҵзура Sputnik алаҳәара ҟанаҵеит аинформациатә портал чехбызшәала аусура ишалагаз. Абри атәы аанацҳауеит РИА Новости.
Sputnik апресс-маҵзура излаанацҳауа ала, аресурс ҿыц хықәкыс иамоуп еиуеиԥшым атемақәа рзы еиуеиԥшым агәаанагарақәа раарԥшра. Адунеи аҿы имҩаԥысуа ахҭысқәа раарԥшраан Sputnik урҭ ганрацәала иазнеилоит, аԥхьаҩцәа рхатә гәаанагара ашьақәыргылара рылшо иҟаларц азы.
Sputnik чехбызшәала аусура ханарҭәаауеит англыз, афранцыз, асерб, апортугал, араб, хинди, аполиак, аиталиа, анемец, аиспан, акитаи, аҭырқәа, акиргиз, аԥсуа бызшәақәа рыла иҟоу аинформациатә хархәагақәа.
Sputnik аҟны иҟоуп еиуеиԥшым аинформациатә контент: аинфографика, авидео, афотодырраҭарақәа, ишиашоу ицо аефирқәа, аинтернет бжьыҭара уҳәа. Заҳаракыра дуу ажәабжьқәа рыда, аԥхьаҩ идгалоуп аналитикатә материалқәа, аиҿцәажәарақәа, аексперттә гәаанагарақәа.
Sputnik – ажәабжьтә агентра, арадио, амультимедиатә информациатә хаҭарнакрақәа адунеи атәылақәа жәпакы рҟны иҟоуп. Sputnik ахь иаҵанакуеит асаитқәа, арадио, амобилтә хархәара, асоциалтә саитқәа рҟны адаҟьақәа.
