Софа Агәмаа: 27шықәса раҧхьа Искандер аҧсшәахь деиҭазгеит

© Sputnik / Томас ТхайцукСофа Агумаа
Софа Агумаа - Sputnik Аҧсны
Анапаҵаҩра
Yandex newsTelegram
Аҧсны жәлар рартистка Софа Агәмаа Фазиль Искандер иҩ-шәҟәык аҧсшәахь еиҭалгеит.

АҞӘА, хәжәк 7 – Sputnik. Анастасиа Никонова. Фазиль Искандер иҩымҭақәа раҧхьаӡа акәны 1988 шықәсазы аҧсшәахь еиҭалгеит ҳәа Аҧсныжәлар рартистка Софа Агәмаа Sputnik акорреспондент иалҳәеит.

Апрозаик, апоет Фазиль Искандер. - Sputnik Аҧсны
Фазиль Искандер – Аԥсны ахьӡ ҭызгаз ашәҟәыҩҩы

Агәмаа лажәақәа рыла, раҧхьаӡа акәны аҧсшәахь ажәабжь ``Харлампои Диспинеи`` еиҭалгеит.

"Уи аҩымҭала амоноспектакль ықәсыргылеит, иара нас Аҧсны араионқәеи ақалақьқәеи рыҟны идырбан. Иџьоушьартә иҟоуп, аҧсуа зритель аинтерес ду изцәырнагеит", — иазгәалҭеит Агәмаа.

Аҧсны жәлар рартистка аҧсшәахь еиҭалгаз Искандер иҩымҭақәа рхыҧхьаӡараҟны иҟоуп ажәабжь ``Арбаӷь''. Уи аҩымҭа, Агәмаа лгәаанагарала философиала иҭәуп.

"Ихәыҷтәы ажәабжьуп, аха афилософиа шаҟа иҵаулоузеи. Афилософиа — Искандер иҩымҭақәа егьырҭ аҧҵамҭақәа изларылукааша акоуп", — лҳәеит Агәмаа.

Лара ишазгәалҭаз ала, иҭыҵраны иҟоуп Фазиль Искандер ҧсышәала иҩымҭақәа зну адиск, уа иануп, иара убас ажәабжьқәа "Шекспир и козы", "Петух", "Жил старик со своею старухой".

Урҭ аҩымҭақәа лареи лыстудентс иҟаз Вадим Абухбеи аудио ашәҟәаза иаҧхьеит.

"Фазиль Искандер ҧсышәалоуп дышхәыцуа, уи азоуп иара иҩымҭақәа анырра ӷәӷәа зсырҭо. Фазиль иҟазареи ифилософиеи, сара сгәаанагарала, — иахьатәи, иацтәи уаҵәтәи мшуп. Иҩымҭақәа зегьы классикаҵәҟьоуп", — лҳәеит актриса.

Софа Агәмаа Искандер иҩымҭақәа зегьы аҧсшәахь еиҭаганы аизга ҭлыжьырц лгәы иҭоуп. Ашәҟәыҩҩы иажәабжьқәа ҧсышәала еиҭаганы ашәҟәы ҭлыжьхьеит.


Ажәабжьқәа зегьы
0