Меркель Урыстәыла аганахьала адилог дадгылоит, асанкциақәа аԥыхӡамкәа

© Sputnik / Дмитрий Астахов / Амедиаҵәахырҭахь аиасраВстреча президента России и Канцлера Германии в Сочи. Архивное фото.
Встреча президента России и Канцлера Германии в Сочи. Архивное фото. - Sputnik Аҧсны
Анапаҵаҩра
НовостиTelegram
Аполитологцәа ргәаанагарала, Берлин аҽазышәарақәа ҟанаҵоит Москва аганахьала иаарту аиҿагылара алмыршаразы, уи зыхҟьогьы аекономикатә еизыҟазаашьақәа роуп.

АҞӘА, хәжәк 9 — Sputnik. Германиа аканцлер Ангела Меркель Иапониа лыҟазаара иалагзаны илҳәеит Украина иҟоу аҭагылазаашьа иахҟьаны  Урыстәыла иақәҵоу асанкциақәа рныжьра шаҭаху, аха убри аангьы иазгәалҭеит аҭагылазаашьа дипломатиала аӡбаразы иҟоу алшарақәа хархәара шырзутәу. Абри атәы аанацҳауеит РИА Новости агентра Киодо аинформациа ала.

Уи анаҩсан Меркель далацәажэеит ООН Ашәарҭадаратә хеилак аусура аԥсахрақәа шалагалатәу, иара убас Иапониеи Бразилиеи аус рыцура акыр шаҵанакуа жәларбжьаратәи атерроризм аҿагыларазы. Меркель лықәгылараан дазааҭгылеит "Аԥсылман ҳәынҭқарра" аибашьцәа гыгшәыграла, гәымбылџьбарала ҩыџьа иапониатәи ажурналистцәа шыршьыз.

Ахәылбыҽхан иазгәаҭоуп Меркели Иапониа аԥыза-министр Синдзо Абеи реипылара. Егьырт азҵаарақәа рыбжьара уаҟа иалацәажәоит Украина иҟоу аҭагылазаашьагьы. Иапониеи Германиеи Урыстәыла аганахьала ирымоу агәаанагаракэа еиқәшәоит, урт ишырԥхьаӡо ала иаарту аиҿагылара аҽацәыхьчара аҭахуп.

Германиа аканцлер Иапониа лаҭаара раԥхьатәиуп аҵыхәтәантәи бжьышықәса рыбжьара.

Ажәабжьқәа зегьы
0