АҞӘА, хәжәк 11- Sputnik. Лугансктәи жәлар рҳәынҭқарра Аҧсны ахьыҧшымра азхаҵара азҵаара шьҭырхуеит, абри атәы РИА Новости иаанацҳауеит.
Луганск жәлар реилазаара еиҿнакаауа апленартә еилатәараҟны, ахәаша имҩаҧгахо, азакәан еиҭахәаҧшуеит, аҿыцрақәа алагалазаауеит, аҳәынҭқарра ахҧатәи амахәҭа — аӡбаратә алагалара иалацәажәоит. Апарламентари иара убас иахәаҧшуеит аҿар афизикатә, аҧсадгьыл абзиабара рыларааӡара асферахь иаҵанакуа адокментқәа, азакәан апроект ҿыцқәа акоррупциа аҿагылара, асоциалтә усура уҳәа ртәы ахьарбоу.
"ЛНР жәлар рхеилак апрезидиум иааиуа апленартә еилатәараҿы Аҧсны Аҳәынҭқарра ахьыҧшымра азхаҵара азҵаара ықәдыргылоит", — аацҳамҭаҟны иҳәоуп.
Ҩ-ҳәынҭқаррак: Аахыҵ Уаҧстәылеи Аҧсни рсуверенитет 2008 шықәса нанҳәа 28 иазхаҵан. Иахьатәи аамҭазы Аҧсны Аҳәынҭқарра ахьыҧшымра азхарҵеит Урыстәыла анахыс, Никарагуа, Венесуела, Вануату, Тувалу, Науру реиҧш иҟоу атәылақәа.
