"Континент" акәша-мыкәша иҟоу аимакқәа аколлектив ианымԥшуазароуп

© Sputnik Игорь ЦаваТК "Континент"
ТК Континент - Sputnik Аҧсны
Анапаҵаҩра
НовостиTelegram
Аҳәынҭқарра ахада иажәақәа рыла, аимак змоу аганқәа азакәантә ӡбамҭак иазааироуп, акәымзар, ари аҳәынҭқарратә обиект иҿыцу арендатор иҭахоит.

АҞӘА, хәжәк 11 – Sputnik, Наала Аҩӡԥҳа. Ахәаахәҭратә комплекс "Континент" акәша-мыкәша иҟоу аимакқәа рыӡбаразы, аганқәа ирзыфеидоу ӡбамҭак иазааироуп, ҳәа азгәеиҭеит Рауль Ҳаџьымба ахашаҽны имҩаԥысуаз апресс-конференциаҿы.

Аимак ӡбамхар, иҿыцу арендазы аицлабра амҩаԥгара азҵаара ықәгылоит, ҳәа ациҵеит Ҳаџьымба.

"Анаплакы аусура аиҭарҿыцразы амҩақәа ԥшаатәуп, избан акәзар Варови Ҷанбеи реизыҟазаашьақәа аколлектив ианыԥшуеит", – иҳәеит ахада.

Рауль Ҳаџьымба иажәақәа рыла, аимак змоу аганқәа уажәшьҭаҵәҟьа акы иазааироуп, акәымзар административтә ресурс ахархәара азухоит ари аҳәынҭқарратә обиект азы иҿыцу арендатор иԥшааразы.

Ахәаахәҭратә комплекс "Континент" аркуп 2014 шықәса, рашәарамза 5 инаркны, уи аицаԥҵаҩцәа ирыбжьалаз аимак иахҟьаны. Уаҟа аус руан 130-ҩык ауааԥсыра.

Ажәабжьқәа зегьы
0