Пицундатәи ачаӡырҭатә зауад абжьааԥнеиԥш аусура иалагеит - Бениа

© Sputnik / Сергей Филатов / Амедиаҵәахырҭахь аиасраАчаӡырҭа. Архивтә фото
Ачаӡырҭа. Архивтә фото - Sputnik Аҧсны
Анапаҵаҩра
НовостиTelegram
Пицундатәи ачаӡырҭатә зауад аусура еиҭашьақәнаргылеит ахәаша, хәажәкыра 13 рзы.

ГАГРА, хәжәк 16 – Sputnik, Саида Жьиԥҳа. Пицундатәи ачаӡырҭатә зауад уаанӡа ишыҟаз еиԥш аусура еиҭашьақәнаргылеит, Пицунда ақалақьи Гагра араиони рҟны ачаҭирҭатә ҭыԥқәа рахь аалыҵла еиқәнаршәоит, иҳәеит азауад аиҳабы Роман Бениа.

"Ҳара иҳарҭаз аамҭа ҳаҽҭаҳагӡеит. Мызкы иалагӡаны Аҳәынҭстандарт иаанарԥшыз аилагарақәа ҳарҽеит. Ҳара аринахысгьы ҳахылаԥшлоит ачаӡырҭатә зауад аҟны асанитартә ҭагылазаашьа", — иҳәеит Роман Бениа.

Пицундатәи ачаӡырҭатә зауад аусура еиҭахацнаркит Аҳәынҭқарратә компаниа "Аԥсныча" адиректор Нугзар Агрба, акомпаниа атехнолог хада, Аҳәынҭстандарт ахаҭарнак алархәны.
Асабша хәажәкыра 14 рзы Пицундатәи ачаӡырҭатә зауад чала еиқәнаршәеит Гагра араион аҭирҭақәа.

"Сара даҽазныкгьы агәра шәсыргар сҭахуп азауад аҟны иԥшааз ахәаԥа ача ишаламлоз. Ҳча иҟоу астандартқәа ирықәшәоит, ари ачала ҳара ҳҭаацәарақәагьы акрарҿаҳҵоит", — иҳәеит ачаӡырҭа аиҳабы Роман Бениа.

Жәабран 19 рзы Аԥсны Аҳәынҭстандарт Пицундатәи ачаӡырҭа аҟны аинспекциатә гәаҭарақәа мҩаԥнагеит. Агәаҭарақәа ирылҵшәаны иаарԥшхеит азауад аҟны асанитартә шәагазагақәа акыр ишеилагаз, иара убас адокументациатә еилагарақәа шыҟаз.

Аҳәынҭстандарт иҟанаҵаз алкаақәа рыла, Пицундатәи ачаӡырҭатә зауад аусура аамҭала иаанкылан иҟоу аҭагылазаашьа рҽеихаанӡа.

Ажәабжьқәа зегьы
0