Афильм "Страсти по Владиславу. Постскриптум" лаҵарамзазы идырбахоит

© Foto / В.Г. АрдзинбаВ.Г. Ардзинба
В.Г. Ардзинба - Sputnik Аҧсны
Анапаҵаҩра
НовостиTelegram
Аԥсны раԥхьатәи ахада Владислав Арӡынба диижьҭеи 70 шықәса аҵра аҽазыҟаҵаразы Аҳәынҭқарратә комиссиа аилатәараан уи иԥшәма Светлана Џьергьениаԥҳа илҳәеит афильм "Страсти по Владиславу. Постскриптум" апремиера лаҵрамзазы ишымҩаԥысуа.

АҞӘА, хәжәк 24 – Sputnik, Анастасиа Никонова. Аԥсны раԥхьатәи ахада Владислав Арӡынба изкны афильм аҭыхраҿ Урыстәылатәи адраматург Дмитри Минченок ацхыраара иҭара дазхиоуп Аҳәынҭфильмофонд аиҳабы Николаи Бородачиов, лҳәеит Владислав Арӡынба иԥшәмаԥҳәыс Светлана Џьергьениаԥҳа.

"Абри атәы аҭел ала исеиҳәеит Дмитри Минченок. Иара убас, уи иажәақәа рыла, арежиссиор Никита Михалкови иареи еицәажәараны иҟоуп. Уи ажәалагала ҟаиҵеит Владислав Арӡынба изкны даҽа фильмк аҭыхраҿы ацхыраара дшазхиоу", — лҳәеит Џьергьениаԥҳа.

Светлана Џьергьениаԥҳа лажәақәа рыла, ашәҟәҭыжьырҭа "Молодая гвардия" ажәалагала ҟанаҵеит асериа "Жизнь Замечательных Людей" Владислав Арӡынба изкны ашәҟәы аҭыжьраз.

"Хыхь иаҳҳәаз зегьы макьана агәҭакқәа роуп, атәыла ахадара урҭ ирықәшаҳаҭхар, урҭ шықәсык иалагӡаны инагӡахоит", — азгәалҭеит Светлана Џьергьениаԥҳа.

Аԥсны раԥхьатәи ахада Владислав Арӡынба диижьҭеи 70 шықәса аҵра иазкы аусмҩаԥгатәқәа нагӡахоит Нальчик, Черкесск, Маикоп, Москва, Санкт-Петербург, Сҭамԥыл. Аҟәа имҩаԥысуеит иара убас, Владислав Арӡынба изку жәларбжьаратәи аконференциа. Аконференциа аҳәаақәа ирҭагӡаны астол гьежьқәа мҩаԥгахоит х-бызшәак рыла: аԥсшәа, аурысшәа, англыз бызшәа.

Уи адагьы, атематикатә цәыргақәҵақәа рымҩаԥгаразы агәҭакқәа ыҟоуп, иара убас, х-томк иҟоу инаукатә усумҭақәа рҭыжьра.

Ажәабжьқәа зегьы
0