АҞӘА, мшԥ 11 – Sputnik. Аԥсны ахада Рауль Ҳаџьымба напы зҵаиҩыз ақәҵара инақәыршәаны Аҭоурыхтә ԥсадгьыл ахь архынҳәразы аҳәынҭқарратә еилакы ахадас дҟаҵоуп Вадим Ҳаразиа.
Ари аҭыԥ аҟны Вадим Ҳаразиа диԥсахит 2013 шықәсарзы Аҭоурыхтә ԥсадгьыл ахь архынҳәразы аҳәынҭқарратә еилакы хантәаҩыс иҟаҵаз Хьрыԥс Џьопуа.
Вадим Ҳаразиа уаанӡа аус иуан Мархьаул ақыҭа ахадас, анаҩс уи дҟаҵан Гәылрыԥшь араион ахада ихыҭыԥуаҩс, зыԥсадгьыл ахь ихынҳәуа ауааԥсыра рызҵаарақәа рыӡбара напынҵас идын.
