АҞӘА, мшԥ 21 – Sputnik. Аџьынџьтәылатә еибашьра ду аҿы Аиааира амш 70 шықәса ахыҵра иазку акоммуникациатә кампаниа аҳәаақәа ирҭагӡаны Жәларбжьаратәи аинформациатә маҵзура "Россия сегодня" иӡырнагеит амультимедиатә аалыҵқәа рсериа "Ихьамҵыз Ленинград" – алонгриди авидеороликқәеи.
Авидеороликқәа Москва ақалақьаҿ иреиҳаӡоу аӡыргаратә конструкциақәа рҟны идырбазаауеит – Ацентралтә телеграф ахыбраҟны, аинститут "Гидропроект" ахыбраҟны, акинотеатр "Октябрь", ахыбрадуқәа рхаҿратә ганқәа рҟны, иара убас Санкт-Петербурги Екатеринбурги рҟны ибжьоу ауаажәларратә транспортқәа рҟны. Акампаниа аусқәа хыркәшазаауеит цәыббра 2 – Аҩбатәи адунеитә еибашьра анеилга аҽны.
"Ихьамҵыз Ленинград" – амультимедиатә статиақәа рцикл "Ар ҟаԥшь ажәыларақәа 15" иахәҭаку анаҩстәи лонгридуп, иара жәбар шәылшоит агентра асаит аҟны. "Ихьамҵыз Ленинград" ароликқәеи алонгридқәеи ақалақь аҭакреи ахақәиҭтәреи шымҩаԥысуаз анызаауеит.
Аԥхьаҩцәеи ахәаԥшцәеи ирымазаауеит алшара Ленинград ахақәиҭтәра аҭоурых адырра, афотосахьақәа, авидеонҵамҭақәа, иҷыдоу ахсаалақәа рбара, иара убас ахҭысқәа ирылахәыз рыбжьы раҳар рылшоит.
Апроект аҳәаақәа ирҭагӡаны Жәларбжьаратәи Аинформациатә маҵзура "Россия cегодня" аспециалистцәа рыбзоурала еиқәыршәан аинтерактивтә хсаалақәа, аинфографикақәа, иалхын иҷыдоу архивтә видеонҵамҭақәа, аудио- иара убас афотоматериалқәа, урҭ аматериалқәа ааган агентра ахатә архиви Аҳәынҭқарратә телехәаԥшра архиви рҟынтә.
Амультимедиатә статиақәеи ароликқәеи рцикл "Ар ҟаԥшь ажәыларақәа 15" урыстәылатәи акампаниа "Аиааира! 70 шықәса" иахәҭакхеит. Апроект "Ар ҟаԥшь ажәыларақәа 15" адгылара арҭеит акоммуникациатә гәыԥ "LBL" (амедиафасадқәа), иара убас аилахәыра "1PTV" (ауаажәларратә транспорт аҟны ателехәаԥшра).
