Апроект “Аиааира Ду ҳзаазгаз” раԥхьатәи абаннер кыдҵоуп

© Sputnik Томас ТхайцукУстановка баннера
Установка баннера - Sputnik Аҧсны
Анапаҵаҩра
НовостиTelegram
Sputnik Аԥсны Аџьынџьтәылатә Еибашьра Ду аҿы 70-тәи Аиааира амшныҳәа иазку апроект “Аиааира Ду ҳзаазгаз” аҩбатәи аетап ангӡара иалагеит.

АҞӘА, мшԥ 24 – Sputnik, Асҭанда Арӡынԥҳа. Апроект “Аиааира Ду ҳзаазгаз” аҩбатәи аетап алагеит. Аџьынџьтәылатә еибашьра ду аветеранцәа зну раԥхьатәи абаннер Аҟәа, ацҳа ҟаԥшь аҿаԥхьа икыдҵоуп.

Аԥсны ахы-аҵыхәа икыдҵахоит 80 баннер инареиҳаны, урҭ зегь ааидкыланы иуԥхьаӡозар, зқьы метра ԥшьыркца рҟынӡа инаӡоит.

Апроект аҩбатәи аетап ишалагаз атәы иҳәеит аинформациатә маҵзура “Sputnik Аԥсны“ аиҳабы Инал Лазба. Уи  иазгәеиҭеит 2015 шықәса, мшаԥы 2 инаркны, апроект актәи аетап аҳәаақәа ирҭагӡаны аинформациатә маҵзура “Sputnik Аԥсны” акорреспондентцәа ишҭарҩыз 39 сааҭ инарзынаԥшуа адиктафонтә нҵамҭақәа, иҭыхын 138 фото-видео материалқәа.

"Аветеранцәа еснагь ргәы иалоуп иахьа изызҳауа аҿар рхәыцшьа рдунеихәаҧшышьа. Урҭ ҳара ҳҟынӡа  аиаша анагара иашьҭоуп. Аибашьра амца зырцәаз аиша ауп, уи ауп ҳаҧхьаҟагьы ҽазнык аибакра алзмыршо, — иҳәеит Лазба.

Адипломат ҿарацәа рхеилак аиҳабы Амина Лазԥҳа лажәақәа рыла, аветеранцәа зну абаннерқәа ркыдҵара аидеиа ыҟеижьҭеи акыр ҵуеит, аха уи анагӡара алнаршеит адгылаҩцәа анаиу.

“Апроект “Аиааира Ду ҳзаазгаз” Аџьынџьтәылатә еибашьра ду аҿы иаарԥшыз афырхаҵара ахаҵгылара, ҳтәыла афырхаҵаратә ҭоурых ахамыршҭра иадҳәалоуп“, — азгәалҭеит Амина Лазԥҳа.

Апроект “Аиааира Ду ҳзаазгаз” аветеранцәа ирымоу ауадаҩрақәа рахь азҿлымҳара ҟанаҵоит, иара убас, аибашьраҿ иҟаҵәҟьаз аиаша ауаа рызнагара иацхраауеит, ҳәа игәы иаанагоит Аԥсны ахада иадминистрациа аексперттә усабрҭа аиҳабы Иракли Хынҭәба.

Апроект “Аиааира Ду ҳзаазгаз” афырхацәа Аџьынџьтәылатә еибашьра ду аветеранцәа имҩаԥгаз аус ахә ҳаракны иршьеит.

“Сара аҿар ахаан аибашьра закәу рымбар сҭахуп. Амилаҭқәа зегь реиҩызара аҟны ауп ҳамч ахьыҟоу“, — лҳәеит Аџьынџьтәылатә еибашьра аветеран Нонна Дорофеева.

Sputnik Аԥсны Аџьынџьтәылатә Еибашьра Ду аҿы 70-тәи Аиааира амшныҳәа иазку апроект “Аиааира Ду ҳзаазгаз” аҩбатәи аетап иалагеит мшаԥымза 23 рзы. Амультимедиатә маҵзура Sputnik Аԥсны акорреспондентцәа Аԥсны инхо Аџьынџьтәылатә еибашьра ду аветеранцәа ирызкны 70 инареиҳаны аочеркқәа рҩит.

Апроект “Аиааира Ду ҳзаазгаз” мҩаԥысуеит Аԥсны Аҳәынҭқарра ахада иусбарҭеи, Аԥсны Адәныҟатәи аусқәа рминистрраҿы еиҿкаау Адипломат ҿарацәа рхеилаки, аилахәыра АҞӘАФОНи, рыцхыраара ала.  Апроект “Аиааира Ду ҳзаазгаз” раԥхьатәи абаннер асасааирҭа “Атриум Викториа” аҿаԥхьа икыдҵан.

© Sputnik Томас ТхайцукПрезентация проекта - Лица победы
1/4
Презентация проекта - Лица победы
© Sputnik Томас ТхайцукПрезентация проекта - Лица победы
2/4
Презентация проекта - Лица победы
© Sputnik Томас ТхайцукПрезентация проекта - Лица победы
3/4
Презентация проекта - Лица победы
© Sputnik Томас ТхайцукПрезентация проекта - Лица победы
4/4
Презентация проекта - Лица победы
1/4
Презентация проекта - Лица победы
2/4
Презентация проекта - Лица победы
3/4
Презентация проекта - Лица победы
4/4
Презентация проекта - Лица победы
Ажәабжьқәа зегьы
0