АҞӘА, мшԥ 26 – Sputnik. Аџьынџьтәылатә еибашьра ду аҿы Аиааира Москва азгәаҭара иалахәхоит китаитәи аруаа. Абри атәы аанацҳауеит РИА Новости агентра Синьхуа аинформациа ала.
Апарад аҽалархәразы Китантә 110-ҩык аруаа Москваҟа ицеит. Асабша, мшаԥымза 25 рзы урҭ Москва ааигәа иҟоу арратә ҳаирбаӷәаза Чкаловски инеит, анаҩс арратә санатори Марфино ицеит аҽазыҟаҵарақәа ирылагаанӡа рыԥсы ршьарц.
Синьхуа ишаанацҳауа ала, Урыстәыла иҟоу Китаи ахаҭарнак Ли Хуеи уаанӡа излаиҳәахьаз ала, Китаи аруаа Москватәи апарад ралахәхара раԥхьаӡатәиуп, уи ҩ-тәылак реизыҟазаашьа бзиақәа аанарԥшуеит.
