Даниа Непалҟа афинанстә цхыраара ашьҭуеит

© Sputnik / Владимир Астапкович / Амедиаҵәахырҭахь аиасраДаниа Непал афинанстә цхыраара ашьҭуеит
Даниа Непал афинанстә цхыраара ашьҭуеит - Sputnik Аҧсны
Анапаҵаҩра
НовостиTelegram
Непалҟа иара убас ицоит Китаи, Иапониа, Америка Австралиа реиқәырхаҩцәа. Ацхыраара аҟаҵара ишазыхиоу рҳәеит Норвегиеи, Италиеи. Австралиа хә-миллион доллар ацхыраара Непалҟа иашьҭхьеит.

АҞӘА, мшԥ 26 – Sputnik. Даниа аиҳабыра иахьа изларҳәаз ала, аҵыхәтәантәи 80 шықәса зегь реиҳа иӷәӷәаз адгьылҵысра ахьыҟалаз Непалҟа 730 нызқь доллар ршьҭуеит. Абри атәы аанацҳауеит РИА Новости аинформациатә портал Local адыррақәа рыла.

"Ари рыцҳароуп малла иӷару атәыла Непал азыҳәа. Убри аҟнытә ҳара ҳзы акраҵанакуеит ацхыраара аҟаҵара", — иҳәеит Иенсен аҭыԥантәи ателеканал TV2 News аниҿцәажәоз. Уи иара убас иазгәеиҭеит иаҭаххозар Даниа афинанстә цхыраара ишацнаҵо".

Аҵыхәтәантәи адыррақәа рыла, адгьылҵысра иахҟьаны иҭахаз 2260-ҩык иреиҳахахьеит.

Урыстәыла аҭагылазаашьа ҷыдақәа рминистрра иахьа излаанацҳаз ала, арыцҳара ахьыҟалаз Непалҟа аиқәырхаҩцәа ҩ-ҳаирпланк шьҭхоит. Урҭ ауааԥсыра реиқәырхараҿы аԥышәа ду рымоуп. Урҭ ирыцуп аҳақьымцәагьы.

Непал иацхраауеит иара убас, аԥшаара-аиқәырхаратә гәыԥқәа Китаи, Иапониа, Америка, Австралиа атәылақәа рҟынтә. Австралиа хә-миллион доллар ацхыраара Непалҟа иашьҭхьеит.

7,9 балл амчхара змаз адгьылҵысра ӷәӷәа ҟалеит Непал, асабша ашьыжь, асааҭ 06.11 рзы. Адгьылҵысра аепицентр Непал аҳҭнықалақь Катманду 82 километр рыла иацәыхаран.


Ажәабжьқәа зегьы
0