Агәаларшәаратә хәылԥаз аартын гәыԥ-гәыԥла ауаа амца кны амҳаџьырцәа рбаҟахьы рнеирала. Сергеи Багаԥшь ихьӡ зху ашҭа аҟынтә Амҳаџџьырцәа рбаҟахьы аныҟәара ауаа рацәа рхы аладырхәит.
Абаҟаҿы ажәлар анеиза ашьҭахь Кавказ ажәларқәа рлахьынҵа зныԥшуа, амҳаџьырра иазкыз афильм дырбан.
Кавказтәи аибашьра иалаӡыз ргәалашәаратә хәылԥаз хыркәшан Нарҭаа рымца аиқәҵарала. Уи амца есышықәса Кавказ ажәларқәа рхаҭарнакцәа амҳаџьырцәа ргәалашәара иазкны еиқәырҵоит.
XIX ашәышықәсазы, еиуеиԥшым аҭоурыхтә мзызқәа ирыхҟьаны зықьҩыла аԥсуаа рҭоурыхтә ԥсадгьыл ааныжьны Ҭырқәтәылаҟа имцар ада ԥсыхәа рмоуит. Аԥсуа амҳаџьырцәа рхылҵшьҭрақәа 50 тәыла рыҟны инхоит. Хыԥхьаӡара рацәала аԥсуа диаспора Ҭырқәтәыла иқәынхоит.
1/13
© Sputnik Томас Тхайцук
Маи 21, Кавказтәи аибашьра иалаӡыз ргәаларшәара амш аҽны Аҟәа ақалақьуааи, асасцәеи гәыԥ-гәыԥла амца кны Сергеи Багаԥшь ихьӡ зху ашҭа аҟынтә Амҳаџьырцәа рбаҟахьы амҩа иқәлеит, уи аныҟәара ауаа рацәа рхы аладырхәит.
2/13
© Sputnik Томас Тхайцук
Аԥсуаа атәымџьара ианнанагагьы ихьамҵкәа, егьа уадаҩ иақәшәаргьы ахеиқәырхара рылзыршаз рдоуҳа ауп. Иахьа, 151 шықәса рышьҭахь, арҭ аҭоурыхтә хҭыс еиқәаҵәақәа наӡаӡа ргәалашәараҿы инхоит.
3/13
© Sputnik / Томас Тхайцук
Зегь реиҳа еиҵбацәаз лаҵара 21 амш аҳәынҭқәарра абираҟ шьҭыхны рхы аладырхәит.
4/13
© Sputnik Томас Тхайцук
Зҭоурыхтә ԥсадгьыл ахь ихынҳәыз ҳашьцәеи ҳаҳәшьцәеи ари амш аҽны рабдуцәа рлахьынҵа цәгьа азы ахәыцрақәа рацәаны ирызцәырҵуеит.
5/13
Амҳаџьыррахь аныҟәара рхы аладырхәит аҳәынҭқарра амилаҭтә ансамбльқәа рыкәашацәа.
6/13
© Sputnik Томас Тхайцук
Аԥсуа солдаҭцәа рхы шьҭыхны аныҟәара иахагылан, рнапаҟны амца жжаӡа иркын.
7/13
© Sputnik Томас Тхайцук
Кавказтәи аибашьра иахҟьаны 1,5 миллионҩык ауаа рҟынӡа, урҭ рҟынтә аԥсуаа 400-ҩык инаркны 500-ҩык мчыла рыԥсадгьыл иахыганы Ҭырқәтәылаҟа ихцан.
8/13
© Sputnik Томас Тхайцук
Сергеи Багапшь ихьӡ зху ашҭа аҟынтә иалагаз аныҟәара ауаа рацәа рхы аладырхәит.
9/13
© Sputnik Томас Тхайцук
Кавказтәи аибашьра анеилга Аҩада-Мраҭашәаратәи Кавказ ажәларқәа рхырҵәара иалагеит. Ртәыла аанырмыжьыр ада ԥсыхәа рымамызт ачерқьесцәа, аубыхцәа, аԥсуаа, абаза.
10/13
© Sputnik Томас Тхайцук
Абаҟа аԥхьа ажәлар анеиза Кавказ ажәларқәа рлахьынҵа зныԥшуа, амҳаџьырра иазкыз афильм дырбан.
11/13
© Sputnik Томас Тхайцук
Нарҭаа рхәышҭаара иаакәыршаны ҳџьынџьуаа амцақәа кны игылеит.
12/13
© Sputnik Томас Тхайцук
Кавказтәи аибашьра иалаӡыз ргәалашәаратә хәылԥазы хыркәшан Нарҭаа рымца аиқәҵарала. Уи амца есышықәса Кавказ ажәларқәа рхаҭарнакцәа амҳаџьырцәа ргәалашәара иазкны еиқәырҵоит.
13/13
© Sputnik Томас Тхайцук
Агәаларшәаратә хәылԥазы анҵәамҭаз изҭахыз зегьы ацәашьқәа, ашәҭқәа амшын ихырҵон.
