АҞӘА, лаҵ 25 — Sputnik, Роберт Џьопуа. Аҧсны иҟоу Урыстәыла Афедералтә шәарҭадаратә маҵзура аҳәаахьчаратә усбарҭа ахьчаратә катерқәа рдивизион аусзуҩцәа Аҧсы амшынтә еимадареи амшын аҳәааҟны аҧшаҳәатә обиектқәеи рзы аҽазыҟҵарақәа мҩаҧыргеит, абри атәы иааицҳауеит аҳәаахьчаратә усбарҭа апресс-маҵзура аиҳабы Сергеи Огнев.
“Аҽазыаҵарақәа еиҿкаауп амшыни аҧшаҳәеи рҟынтәи ашәарҭарақәа раҧыхразы. Раҧхьатәи аетап аҟны акатерқәа рбаза иадҳәалоу азҵаарақәа еилырган. Аҩбатәи аетап аҟны амшын ахылара, ахысра, ааха зауз акатерқәа аевакуациа рзура”, — иҳәеит Огнев.
Апресс-маҵзура ахантәаҩы иажәақәа рыла, аҳәаахьчаратә дивизион аҿаҧхьа иқәгылаз ахықәкқәа нагӡан.
“Аҳәаахьчаратә дивизион аусзуҩцәа рҧышәа абзоурала акатерқәа ианаамҭаз амшын ихылеит. Аӷа иҿагылара, уи иаиааира рылшеит, аштатынҭыҵтәи аҭаглазаашьақәа ыҟаӡамызт”, — иазгәиҭеит Сергеи Огнев.
Аҧсны иҟоу Урыстәылатәи Афедералтә шәарҭадаратә маҵзура аҳәаахьчаратә катерқәа рдивизион анапхгара Аҧсны аҳәынҭқарратә амшынтә ҳәаақәа рыхьчара иазкуп.
