АҞӘА, лаҵ 30 – Sputnik. Қырҭтәыла уаанӡатәи ахада Михаил Саакашьвили асабша, лаҵарамза 30 рзы ихьӡ рҳәар ауеит Одесса аобласт ахада ҿыц иаҳасабала, иҳәеит Одесса аобласт аҳәынҭқарратә администрациа апресс-маӡаныҟәгаҩ Николаи Покровски. Абри атәы аанацҳауеит РИА Новости.
Уажәаԥхьа иҟаз адыррақәа рыла, Украина ахада Петр Порошенко ахәаша, лаҵарамза 29 рзы, игәы иҭан Михаил Саакашьвили иԥылара, уи Одесса ахадас иҟаҵара азҵаара алацәажәаразы. Уажәазы Петр Порошенко исаит аҟны ианӡам Михаил Саакашьвили Одесса ахадас дшыҟаҵоу ала ақәҵара.
Одесса аобласт аҳәынҭқарратә администрациа апресс-маӡаныҟәгаҩ Николаи Покровски асоциалтә каҭа Facebook аҟны изланиҵаз ала, Қырҭтәыла уаанӡатәи ахада Михаил Саакашьвили Одесса аобласт ахадас иӡбахә рҳәар ауеит.
Покровски излаиҳәо ала, Михаил Саакашьвили Одесса ахадас дшыҟаҵоу анрылаҳәахалак ашьҭахь, администрациа уаанӡатәи ахада Игор Палица апресса рахь дцәырҵыр ауеит.
