Ахәмаррақәа "Иарбан? Иаба? Ианба?" актәи рызбжа Аҟәа имҩаԥысит

© Sputnik, Бадрак АвидзбаАхәмаррақәа Иарбан? Иаба? Ианба? афинал азбжақәа Аҟәа имҩаԥысит
Ахәмаррақәа Иарбан? Иаба? Ианба? афинал азбжақәа Аҟәа имҩаԥысит - Sputnik Аҧсны
Анапаҵаҩра
Аинтеллектуалтә хәмаррақәа Иарбан? Иаба? Ианба? афинал аҟны еиқәшәоит аа-командак, урҭ иара убас еицлабуеит ахәмарра "Бреин ринг" аҟны.

АҞӘА, лаҵ 30 – Sputnik, Бадраҟ Аҩӡба. Аинтеллектуалтә хәмаррақәа рзы Аԥсны ахәбатәи ачемпионат аҳәаақәа ирҭагӡаны, лаҵарамза 30 рзы Аҟәа имҩаԥысит ахәмарра "Иарбан? Иаба? Ианба?" афинал азбжақәа ҩба.

"Аинтеллектуалтә хәмаррақәа рзы Аԥсны ахәбатәи ачемпионат ҳҳәынҭқарра раԥхьатәи ахада Владислав Арӡынба 70 шықәса ихыҵра ахьӡала имҩаԥаҳгоит. Афинал аҟны Владислав Арӡынба изку азҵаарақәа ҟалоит", — лҳәеит аителлектуал-рҿиаратә клуб "Диуна" аиҳабы Асиа Саносиан.

Асиа Саносиан лажәақәа рыла, ачемпионат 15 команда рҽаладырхәит, урҭ ашколхәыҷқәеи астудентцәеи рыла ишьақәгылоуп.

Аинтеллектуалтә хәмаррақәа "Иарбан? Иаба? Ианба?" афинал аҟны еиқәшәоит аа-командак, урҭ иара убас, еицлабуеит ахәмарра "Бреин ринг" аҟны.

Аинтеллектуалтә хәмаррақәа рзы Аԥсны ахәбатәи ачемпионат амҩаԥгара еиҿыркааит Аԥсны Аҿартә политиказы аҳәынҭқарратә еилакы, аинтеллектуал-рҿиаратә клуб "Диуна", иара убас, Аԥсны Аҳәынҭстандарт.

Ажәабжьқәа зегьы
0