АҞӘА, рашә 7 – Sputnik. Ҭырқәтәыла апарламент ахь алхрақәа рымҩаԥгаразы алхырҭатә ҭыԥқәа зегь аартуп. Алхрақәа мҩаԥыслоит асааҭ 17-нӡа. Абри атәа аанацҳауеит РИА Новости.
Ҭырқәтәыла апарламент 550 ҭыԥ аанкылараз алхрақәа рхы аладырхәуеит 20 политикатә партиа.
Алхрақәа рҿы аиааира агара рылшап ҳәа агәаанагара ыҟоуп ԥшь-партиак: Ахадараҿы иҟоу Аиашареи аҿиареи апартиа, иара убас, Ауаажәларратә-демократиатә партиа, Амилаҭтә ҵысра апартиа, Ауаажәларра-республикатә партиа. Апарламент ахь анеиразы апартиақәа 10 процетк еиҳаны абыжьқәа роуроуп.
Алхрақәа рҟны аԥыжәара аманы иаиааиуеит ҳәа агәаанагара ыҟоуп Ҭырқәтәыла аԥыза-министр хадара ззиуа Аиашареи аҿиареи апартиа. Имҩаԥгаз аҭҵаара алҵшәақәа рыла, апартиа азы рыбжьы рҭир ауеит 40-45% алхыҩцәа.
Аекспертцәа ргәаанагарала, апарламент ахь алхрақәа рылҵшәақәа Ҭырқәтәыла аполитика аԥсахуам, атәыла уаанӡеиԥш Евро-еидгыла алаларазы аҽазышәарақәа ҟанаҵалоит.
