Аԥсни, Урыстәылеи, Ҭырқәтәылеи злахәу астол гьежь Аҟәа имҩаԥгахоит

© Фото : предоставлено Сонером ГогуаВице-президент ТПП РА Сонер Гогуа.
Вице-президент ТПП РА Сонер Гогуа. - Sputnik Аҧсны
Анапаҵаҩра
НовостиTelegram
Жәларбжьаратәи Афонд Аԥсны аԥшьгарала рашәарамза 19 рзы имҩаԥысуа астол гьежь аҟны ирылацәажәоит Аԥсни, Урыстәылеи, Ҭырқәтәылеи реизыҟазаашьақәа.

АҞӘА, рашә 18 – Sputnik, Сырма Ашәԥҳа. Уаҵәы,  ауаажәларратә еиҿкаара "Жәларбжьаратәи Афонд Аԥсны" аԥшьгарала, Аҟәа, Москватәи акультуратә-усутә центр аҟны аусура иалагоит "Аԥсныи, Урыстәылеи, Ҭырқәтәылеи ҳаамҭазтәи реизыҟазаашьа" атемала астол гьежь.

Жәларбжьаратәи Афонд Аԥсны Ахада Сонер Гогәуа,  излаиҳәо ала, уаҵәы, "Москва-Аҩны" аконференц зал аҟны имҩаԥгахо Астол гьежь  ахь ааԥхьара рымоуп еицырдыруа аҵарауаа.

"Сгәы иаанагоит  ас еиԥш хра злоу аусмҩаԥгатә алҵшәа бзиа аиуп ҳәа", — азгәеиҭеит "Жәларбжьаратәи Афонд Аԥсны" аиҳабы Сонер Гогәуа.

Астол гьежь актәи  ахәҭаҟны ажәахәқәа рыла иқәгылоит Аԥсни, Урыстәылеи, Ҭырқәтәылеи рхаҭарнакцәа,  еицырдыруа аҵарауаа, аекспертцәа. Аԥснынтә — Сергеи Шамба — Жәлар  реизара адепутат. Заур Шьалашьаа — аекономикатә наукақәа ркандидат. Оқтаи Ҷкотуа — "Жәларбжьаратәи Афонд  Аԥсны" алахәҩы.

Урыстәылантә — Константин Затулин — Ихьыԥшым Аҳәынҭқаррақәа  реидгыла аинстиут адиректор.

Ҭырқәтәылантә — Ҳасан Канболат — Анкара иҟоу аполитикатә ҭҵаарақәа рцентр адиректор, Инал Чевикез — Анкара иҟоу аполитикатә ҭҵаарақәа рцентр ахада, аамҭаказы Ҭырқәтәылатәи Ареспублика аҳәаанырцәтәи аусқәа рминистр ихаҭыԥуаҩыс иҟаз.

Астол гьежь аҩбатәи ахәҭаҿы иазгәаҭоуп адискуссиа, анаҩс, Аганқәа аԥхьаҟатәи аусеицуреи аиҩызареи рзы аиқәышаҳаҭра рнапы аҵарыҩуеит. Астол гьежь аусура иалагоит рашәара 19 асааҭ 10 рзы.

Ажәабжьқәа зегьы
0