Иҭацәыз Ҭҟәарчал араион аҳаблақәа рҿы инхо: аиҳабыра ҳара ҳархашҭит

© Sputnik Илона ХварцкияИҭацәыз Ҭҟәалчал араион аҳаблақәа рҿы инхо: аиҳабыра ҳара ҳархашҭит
Иҭацәыз Ҭҟәалчал араион аҳаблақәа рҿы инхо: аиҳабыра ҳара ҳархашҭит - Sputnik Аҧсны
Анапаҵаҩра
НовостиTelegram
Ҭҟәарчал араион ахара ишьҭоу аҳаблақәа Џьанҭоу, Аҟармара, рҿы инхо ҭаацәарақәак роуп, урҭ рахьтә иҟоуп ахәыҷқәа ахьырацәоу.

АҞӘА, рашә 20 – Sputnik, Асҭанда Арӡынԥҳа. Аԥсны Аџьынџьтәылатә еибашьра ашьҭахь  Ҭҟәарчал араион ахара ишьҭоу аҳаблақәа Џьанҭоу, Аҟармара, рҿы инхаз ҭаацәарақәак роуп. Уаҟа есааира аргыларақәа аилаҳара иаҿуп, ауааԥсыра изларылшо ала анхара иаҿуп.

Џьанҭоу аҳаблаҿы инхоит ахәыҷқәа рацәаны измоу ҩ-ҭаацәарак, урҭ рҟны ирызҳауеит џьара хәҩык џьара фҩык ахылҵ. Зегь реиҳа урҭ ирзааигәоу ашкол Ҭҟәарчал иҟоуп, уаанӡа 18 ктлометр иназынаԥшуа ибжьоуп. Аҵарашықәс азы, ахәыҷқәа рзы ашьыжьи ахәылбаҽхеи автобус бжьоуп.

"Сыԥшәма аус иуеит "Ҭҟәарчаларацәа" аҟы, уи азы ара ҳаанхеит. Ҳхәыҷқәа Ҭҟәарчал ашкол ахь иныҟәоит, ахәаахәырҭақәеи, аџьармыкьеи ара иҟам, иара убас ахәыҷбаҳчақәагьы, ахәыҷқәа хәмаруеит еилаҳахьоу аҩнқәа рҟны", еиҭалҳәеит Џьанҭоу аҳаблаҿ инхо аԥҳәыс.

Уи лажәақәа рыла, уаанӡа аҳаблаҿы аԥсҭазаара еилашуан, аус ауан акиноклуб.

"Аибашьра ҟалаанӡа араҟа милаҭла еиуеиԥшым ауаа рацәаны инхон, ашахтаҿы аус руан. Араҟа акинотеатргьы ҳаман, актәи аетажқәа рҟны ашәҟәыҭирҭакәа ыҟан, аус руан ашколи ахәыҷбаҳчеи. Уажәы араҟа аҩнқәа зегь еилаҳаит, урҭ ақьырмытқәа амырхуеит. Аҳәынҭқарра ҳара ҳархашҭит", — азгәалҭеит уи.

Аҳаблақәа Џьанҭоуи Аҟармареи рахь мчыбжьык ала ҩынтә автобус неиуеит, уи Ҭҟәарчалынӡа ицоит. Уи ауп алшара ҟазҵо аҳақьымиахь ма аџьармыкьахь ауааԥсыра анеира рылзыршо, рҳәеит икҿахаз аҳаблақәа рҿы инхо ауаа.


Ажәабжьқәа зегьы
0