АҞӘА, рашә 20 – Sputnik. Аахыҵ Кавказ аҭагылазаашьа иазку Женеватәи аиҿцәажәарақәа XXXII араунд мҩаԥысуеит рашәарамза 30 инаркны ԥхынгәымза 1-нӡа, иҳәеит Урыстәыла Адәныҟатәи аусқәа рминистр ихаҭыԥуаҩ Григори Карасин. Абри атәы аанацҳауеит РИА Новости.
"Женеватәи аиҿцәажәарақәа рҳәаа иҭагӡаны Аԥсни, Аахыҵ-Уаԥстәылеи, Қырҭтәылеи ирызку азҵаарақәа ҳарзааҭгылоит ԥхынгәымза алагамҭазы", — азгәеиҭеит Карасин.
Григори Карасин иазгәеиҭеит Женеватәи аиҿцәажәарақәа рыда даҽа лшарак шыҟам Урыстәылеи, Америкеи, Европеи рыцхыраара ала Қырҭтәыла ишиашоу Аԥсни, Аахыҵ-Уаԥстәылеи рацәажәараз.
