АҞӘА, рашәара 22– Sputnik, Роберт Џьапуа. Москватәи "Динамо" Европатәи алига ахәмаррақәа ралгаразы УЕФА аӡбра акоманда аспонсар, абанк ВТБ-и аклуб апрезидент Борис Ротенберги роуп иззырхоу иҳәеит Sputnik акорреспондент даниҿцәажәоз Вианор Ҭыжәба.
"Сара исзеиилкаауам УЕФА аӡбра. Москватәи "Динамо" Европатәи алига ахәмаррақәа ирылгахеит афинанстә еилагарақәа рзы – аклуб аныхрақәа алагалақәа реиҳа еиҳауп ҳәа арбаны. Ус акәзар уи аилыргара знапы иану Урыстәылатәи ашьапылампылтә еидгылоуп. Сара сгәы иаанагоит УЕФА аӡбра акоманда аспонсар, абанк ВТБ-и аклуб апрезидент Борис Ротенберги роуп иззырхоу", — ҳәа ааицҳауеиит В. Ҭыжәба.
Ахәашаҽны еилкаахеит УЕФА афинанстә fair play аԥҟаррақәа реилагаразы 2015́/2016 ашықәсқәа рсезон азы Европатәи Алига ахәмаррақәа москватәи "Динамо" шрылнагаз. 2015́/2016 ашықәсқәа рсезон аҟны акоманда Урыстәыла ачемпионат аҟны аԥшьбатәи аҭыԥ ааннакылеит.
