Ҭенгьиз Ҭарба: агәалашәаратә акциақәа лассы-лассы имҩаԥгалатәуп

© Фото : Тенгиз ТарбаМемориальная доска героям Великой Отечественной войны
Мемориальная доска героям Великой Отечественной войны - Sputnik Аҧсны
Анапаҵаҩра
НовостиTelegram
Рашәара 22 рзы, Агәалашәареи алахьеиқәҵареи рымш азы Санчаратәи ашьхахыҵырҭа иахьаҵанакуа иқәыргылан амемориалтә плита. Ари акциа аиҿкааҩцәа руаӡәк, «Ишьхатәылоу Аԥсны» афонд адиректор Ҭенгьиз Ҭарба игәаанагарақәа ҳзеиҭеиҳәеит

АҞӘА, рашәара 22, Sputnik,  Асҭанда Арӡынԥҳа. Иҭахахз Кавказ ахьчаҩцәа ргәалашәәара иазку амемориалтә плита ықәыргылан Санчаратәи ашьхахыҵырҭа иахьаҵанакуа аҭыԥ аҟны. Асеиԥш иҟоу акциа раԥхьаӡа акәны еиҿкаан иҳәеит аиҿкааҩцәа руаӡәк, «Ишьхатәылоу Аԥсны» афонд адиректор Ҭенгьиз Ҭарба.

"Зықьҩыла ҳаҷкәынцәа арҭ аҭыԥқәа рҟны иҭахеит. Урҭ ирылдыршеит аӷа ашьхақәа ихмыжьра. Уаҩы издырам урҭ ргәымшәара акәмызҭгьы иҟалашаз", — азгәеиҭеит Ҭенгиз Ҭарба.

Акциа аԥшьыргеит афонд "Ишьхатәылоу Аԥсны", Аԥсуаҭҵааратә институт аусзуҩы Николаи Медвенски. Иара иоуп архивқәа рҟны аус аниуаз аматериалқәа зыԥшааз – иҳәеит Ҭенгиз Ҭарба. Апроект алыршахеит атәыла Ахада Рауль Ҳаџьымба идгыларала.

Акаҵәарахь ахалара акыр иуадаҩын. Мышкы аҩныҵҟа ҩ-нызқь метра ҩада ихалатәын – иҳәеит иара.

"Асеиԥш ахалара ҳара иаартны иаҳнарбеит ҳаибашьцәа рзы заҟа имариамыз арахь ахалара. Амҩан ҳара иаабеит амшә ашьҭақәа, аплита анықәҳаргыла ашьҭахь ҩ-мшәык ладаҟа иҳаҩсны ицеит", — еиҭеиҳәон иара.

Ҭенгьиз Ҭарба ҭабуп ҳәа иеиҳәеит аҳәаахьчаратә ҭыԥ аиҳабы Олег Минченко, иара убасгьы – Олег Бутов, Андреи Кәаӡба.

Агәалашәара акциақәа иҵегьы лассы-лассы имҩаԥгалазар ахәҭоуп. Уи аҿар аҭоурых ахь ихьанарԥшуеит – ациҵеит Ҭенгиз Ҭарба.

© Фото : Тенгиз ТарбаВ горах Абхазии установлена мемориальная доска. Фото с места события.
В горах Абхазии установлена мемориальная доска. Фото с места события. - Sputnik Аҧсны
В горах Абхазии установлена мемориальная доска. Фото с места события.

 

Ажәабжьқәа зегьы
0