Пицундатәи ауахәама аконцерттә зал аҟны аԥхынтәи асезон аатит

© Sputnik Томас ТхайцукОткрытие летнего сезона в Пицундском храме. Фото с места события
Открытие летнего сезона в Пицундском храме. Фото с места события - Sputnik Аҧсны
Анапаҵаҩра
НовостиTelegram
Пицундатәи ауахәама аконцерттә зал аҟны аклассикатә музыка аԥхынтәи асезон аатит

АҞӘА, рашәара 25, – Sputnik, Роберт Џьапуа. Пицундатәи ауахәама аконцерттә зал аҟны аклассикатә музыка аԥхынтәи асезон аатит асабша, рашәара 25 рзы. Аконцерттә зал адиректор Гәында Агрба ишаалыцҳаз ала абри аконцерт ала иаатуеит аклассикатә музыка аконцертқәа рсезон.

29 юных музыкантов собрал фестиваль «Лира» - Sputnik Аҧсны
Афестиваль "Лира" Пицунда еизнагеит 29-ҩык амузыкантцәа

"Ари аконцерт-аартра мҩаԥысуеит есышықәса. Иарала иалагоит аҳәынҭқарратә хортә каппелеи, аҳәынҭқарратә камертә оркестри, аҳәынҭқарратә филармониа артистцәеи, аорӷан арҳәаҩы Марина Шамԥҳаи злахәу аԥхынтәи асезон. Сынтәатәи аконцертқәа Аԥсны раԥхьатәи Ахада Владислав Арӡынба иубилеи, 70 шықәса диижьҭеи аҵра, агәалашәара иадҳәалоуп", — лҳәеит Гә Агрба.

Лара лажәақәа рыла аԥхынтәи асезон цәыббрамзаҟынӡа имҩаԥысуеит. Хымз рыҩныҵҟа Пицундатәи ауахәамаҟны аколлективқәа зегьы есмчыбжьа иқәгылалоит.

"Аколлективқәа досу рхатәы мшы рымоуп. Ахортә коппела ықәгылылоит ес-ԥшьаша, ахәашази амҽышази – аорӷанарҳәаҩцәа Марина Шамԥҳаи Лука Гаделиеи, сабшала – афилармониа артистцәа", — еиқәылыԥхьаӡеит адиректор.

Лара иара убасгьы иазгәалҭеит Пицундатәи ауахәама аконцерттә зал ақалақь азы шьанак аҳасабала ишыԥхьаӡоу. Аԥхынтәи асезон аан иара иаҭаауеит ауаа рацәа.

2015 шықәса цәыббрамзазы ауахәамаҟны имҩаԥгахоит «Пицунда аорӷантә хәылԥазқәа» захьӡу ахԥатәи афестиваль. Иара иалахәхоит аҳәаанырцәтәи аорӷанарҳәаҩцәагьы. 2015 шықәса абҵарамзазы аконцерттә зал аҟны имҩаԥгахоит аорӷан 40 шықәса ахыҵра иазку аныҳәатә гала-концерт. Аорӷан ауахәамаҟны иқәыргылан 1975 шықәса рзы.

© Sputnik Томас ТхайцукОткрытие летнего сезона в Пицундском храме. Фото с места события
Открытие летнего сезона в Пицундском храме. Фото с места события - Sputnik Аҧсны
Открытие летнего сезона в Пицундском храме. Фото с места события


Ажәабжьқәа зегьы
0