Ҳаџьымба: Пицунда ауалқәа асезон анҵәамҭаз иашәароуп

© Sputnik Томас ТхайцукПрезидент Абхазии Рауль Хаджимба
Президент Абхазии Рауль Хаджимба - Sputnik Аҧсны
Анапаҵаҩра
Аԥсны Ахада Рауль Ҳаџьымба аԥшьаша, рашәарәа 25 рзы Пицунда актив дырԥылеит.

ПИЦУНДА, рашә 26- Sputnik, Саида Жьиԥҳа. Акурорттә сезон анҵәамҭазы акурорттә комплекси ақалақь Пицундеи ирықәу ауалқәа дырхынҳәыроуп иҳәеит Аԥсны Ахада Рауль Ҳаџьымба аԥшьаша, рашәара 25 рзы Пицунда активи иареи реиԥылараан.

Ҳаџьымба иажәақәа рыла Урыстәыла иҟанаҵоу афинанстә цхыраара апроблемақәа зегьы азыӡбӡом. Иара иҳәеит ҳхатәы лшарақәа реиҵыхра нап арктәуп, уи азы алшамҭақәагьы ҳамоуп ҳәа.

Атәыла Ахада инаҵшьны иазгәеиҭеит Гагра ақалақьтә биуџьет аҟынтәи Пицунда афинанс азоужьра Апарламент аҟны ишахәаԥшуаз.

"Ари аҭагылазаашьа ԥсаххоит. Пицунда қыҭак аҳасабала ахәаԥшра иашам", —иҳәеит Ахада.

Ҳаџьымба иазгәеиҭеит иара убасгьы акурорттә сезон маншәаланы имҩаԥысып ҳәа ишазыԥшу. Иара игәаанагарала аҳәынҭқарратә еилазаарақәеи азинхьчаратә органқәеи акурорт Ахадара ирывагылароуп.

"Пицундатәи ауахәама азҵаара акәзар, иалацәажәоижьҭеи акыр шыҵуагьы макьаназы  ӡбрак аҭам", — иҳәеит иара.

Ахада иазгәеиҭеит Пицундатәи ауахәама аконцерт зал Акультуреи аҭоурых-культуратә ҭынхақәа рыхьчареи рзы аминистрра абаланс ишаҵанакуа, аха иара убри аан аԥсахрақәа рганахьала ақалақьуаа ргәаанагара иазхьаԥштәуп ҳәа. 

"Уи иаанагом ауахәама ақьырсианра абаҟак еиԥш азнеира ҳаҟәыҵуеит ҳәа. Адинхаҵара аусзуҩцәа ирҳәогьы зхьаԥшрада иааныжьтәым", — ациҵеит Ахада. Иара убасгьы ирылеиҳәеит иҟоу апроблема аҭҵааразы аусутә комиссиа шаԥҵоу.

Атәыла Ахада иара убасгьы иҳәеит аинвестициатә программаҟны Пицунда аҿиаразы акыр ԥарақәа шазыԥхьаӡоу.

"Ҳаԥхьаҟа ақалақь ӡыла аиқәыршәара азҵаарагьы амелиоративтә станциа «Инкит» аргылара азҵаарагьы  ӡбахоит. Ҳара иҳалшо зегьы ҟаҳҵоит аԥарақәа ауаа рҟынӡа ишиашоу инеирц азы", — иҳәеит Рауль Ҳаџьымба.

Иара убасгьы иазгәеиҭеит Пицунда Аԥсны мацараҟны шакәым иуникалны иахьыҟоу – уи адунеи зегь аҟынгьы усоуп ишыԥхьаӡоу. Ажәлар ҳҿаԥхьа иқәгылоуп аусдҵа – иара еиқәырханы аҿиара аҭара ҳәа.


Ажәабжьқәа зегьы
0