АҞӘА, рашә 29 — Sputnik, Наала Аҩӡыԥҳа. Аҳҭнықалақь агәҭаҿы аӡрыжәтә аамҭала иаанкылахоит рашәара30 аҵхыбжьон инаркны ԥхынгәы 1, ашьыжь асааҭ фбанӡа, ҳәа Sputnik иазааицҳаит Аҟәатәи аӡыканал анџьныр еиҳабы Мераб Анқәаб.
"Ҵхыбжьон асааҭ аказы анасостә станциақәа русура аанаҳкылоит. Аӡы роулаӡом Аҳабла жәытәи, ақалақь агәҭеи, Аҟәатәи ашьха ашьапаҿи, ВИЕМи, Алашарбага аҳаблеи. Ҩахеи мышки рышьҭахь ҩаԥхьа аӡы ауҳашьҭуеит", — иҳәеит анџьныр хада.
Мераб Анқәаб иажәақәа рыла, аӡы аҿыхра мзызс иамоуп аӡымҩангагатә труба ақалақь агәҭаны иҟоу амагистраль аҿаԥшьразы имҩаԥысуа аусурақәа.
