АҞӘА, ԥхынгәы 14, Sputnik, Роберт Џьопуа. Урыстәылатәи Афедерациа Ашәарҭадаратә хеилак ахантәаҩы ихаҭыԥуаҩ Рашид Нургалиев Аҟәаҟа дааит усутә визитла ҳәа аҭыԥаҟынтәи иааицҳауеит Sputnik акорреспондент.
Ҳазҭагылоу аамҭазы Аԥсны Аҩныҵҟатәи аусқәа рминистр Беслан Ҳагбеи Урыстәыла Ашәарҭадаратә хеилак ахантәаҩы ихаҭыԥуаҩ Рашид Нургалиев реиԥылара мҩаԥысуеит. Аиԥылара цоит Амассатә информациа ахархәагақәа рхаҭарнакцәа аламырхәыкәа.
Акорреспондент идыррақәа рыла 14.30 рзы еиԥылараны иҟоуп Рашид Нургалиеви Аԥсны Атәылахьчара аминистр Мираб Кьышьмариеи, асааҭ 16:30 рзы – Аԥсны ахада Рауль Ҳаџьымбеи иареи.
