АҞӘА, ԥхынгәы 16 — Sputnik. Аԥсны ахьынӡа-наӡааӡо фымцамчыла еиқәыршәоуп ҳәа аарыцҳаит аҳәынҭқарратә еилахәыра "Амшынеиқәафымцамч" аҟынтәи.
Ԥхынгәы 15, ашьыжь, Очамчыра араион аҟны иҟоу афымцеихшарҭақәа руак иасыз амацәыс иахҟьаны ареспублика фымцамчыла аиқәыршәара еиԥҟьеит. Аамҭала Урыстәылантәи иаашьҭыз афымцамч ахархәара аҭан. Амш аҩбатәи азыбжазы Аԥсны араионқәа зегьы рҟны афымцеиқәыршәара еиҭашьақәыргылан.
"Амшынеиқәафымцамч" адиректор хада иазгәеиҭеит асеиԥш иҟоу аиԥҟьарақәа лассы-лассы ишыҟалало, аха уи ишаанамго уадаҩра дук ыҟоуп ҳәа. Иара иажәақәа рыла ари аенергетикцәа иаарласны зҭыԥ ақәҵара рылшо ҭагылазаашьоуп.
