Нанҳәа 7-9 рзы Цандрыԥшь имҩаԥысуеит арок-фестиваль "Аԥснытәи аҟәара"

© Sputnik / Илья Питалев / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Гагра араион Цандрыԥшь аҳаблаҟны нанҳәа 7 инаркны 9 рзынӡа имҩаԥысраны иҟоуп арок-музыка афестиваль.

АҞӘА, нанҳәа 3 — Sputnik, Роберт Џьапуа. Аԥсны амотоспорт Афедерациа иазыԥхьагәанаҭоит ҳазҭоу амчыбжь анҵәамҭазы арок-фестиваль «Аԥснытәи аҟәара – 2015» амҩаԥгара. Абри атәы ҳзааицҳаит Гагра араион Ахадара аҿари аспорти рзы Аилак ахантәаҩы Џьамал Анқәаб.

"Ҳара адгылара аҳҭеит ареспублика амотоспорт афедерациеи урыстәылатәи амотоклубқәа руаки ражәалагала. Аиҿкааҩцәа рзыҳәаҟны иарбоуп арок-фестиваль агәмырҿыӷьра-еилырккаратә ҟазшьа шамоу, аудиториа ҭбаа ишырзырхоу. Афестиваль ихықәкы хадақәаны иҟоу ируакуп аҿар амотоспорт аҿиара радыԥхьалара иара убасгьы акультуратәи, аиҩызаратәи аусуратәи еимадарақәа рырҿиареи рырӷәӷәареи", — иҳәеит Анқәаб.

Гагра араион Ахадара аҿари аспорти рзы Аилак ахантәаҩы Џьамал Анқәаб иажәақәа рыла арок-фестиваль "Аԥснытәи аҟәара – 2015" х-нызқьҩык рҟынӡа аҭааҩцәа аиуп ҳәа агәыӷра ыҟоуп.

Арок-фестиваль мҩаԥысуеит нанҳәа 7 инаркны нанҳәа 9 рзынӡа, Гагра араион Цандрыԥшь аҳаблаҟны иҟоу аԥсшьарҭатә база "Спорт" аҟны.

Ажәабжьқәа зегьы
0