Жәларбжьаратәи аиндаҭларақәа рҟны иреиҳаз аԥхьахә — Аԥсны ахада Рауль Ҳаџьымба Ихраҿа анашьахеит Алхас Лакоба иҽыҩ Офицер Кингстон (аҽыҩҷкәын Анзор Саманџьиа).
Анзор Саманџьиа иажәақәа рыла, англыз ҽыҩжәла Офицер Кингстон изныкымкәа еиуеиԥшым аиндаҭларақәа рҟны аԥхьахәқәа анаршьахьеит. Аиааирақәа аагахьеит Аԥсны, Урыстәыла, аиааирақәа ҳрышьцылахьеит. Арҭ аиндаҭларақәа ҳара ҳҽырзыҟаҳҵон шықәсык инаҩсуа. Ҳзындаҭлоз, Аԥсны иреиӷьыз аҽыҩқәа шракәу аадыруан ҳәа азгәеиҭеит Саманџьиа.
Атурнир иалахәын Аԥсны, Адыгатәыла, Ҟабарда-Балкариа, Краснодартәи атәылаҿацә рҟынтәи аспортсменцәа. Мышктәи атурнир аҳәаақәа ирҭагӡаны атәыла ахада Ихраҿа адагьы еиҭа аԥхьахәқәа хәба ргаразы еицлабуан.
Атәыла ахада Ихраҿа аԥхьахәтә фонд иартәон миллионк мааҭ, 500 000 мааҭ — актәи аҭыԥ азы, 300 000 мааҭ — аҩбатәи аҭыԥ азы, 200 000 мааҭ — ахԥатәи аҭыԥ азы. Иааидкыланы атурнир зегьы аԥхьахәтә фонд ҩ-миллион мааҭ инаӡон.
Арбагатә қәгыларақәа раан идырбан аԥсуа милаҭтә хәмаррақәа, аҵәеигәыдҵа, аҽымпыл ахәмарра.
Арҭ рҩызцәа аҽырыҩрақәа Аԥсны ԥхьаҟагьы аҽылатә спорт аганахьала имҩаԥысраны иҟоу атурнирқәа ихымԥаданы ирылагалахоит.
Аиндаҭларақәа ирылахәын Аԥсни, Адыгатәылеи, Ҟабарда-Балкариеи, Краснодартәи атәылаҿацәи рҟынтәи аспортсменцәа.
Афото аҟны: аспорт азҟаза Аслан Ԥлиа
