Арт-фестиваль "Эвкалиптовый ветер Абхазии" аҟны аиааира згаз алкаахеит

© Sputnik Анжелика БенияАрт-фестиваль "Эвкалиптовый ветер Абхазии"
Арт-фестиваль Эвкалиптовый ветер Абхазии - Sputnik Аҧсны
Анапаҵаҩра
Аҟәа ақалақь Ахадара Аҿари аспорти рызҵаарақәа рзы аилак еиҿнакааз Арт-фестиваль "Эвкалиптовый ветер Абхазии" аихшьалақәа мҩаԥыргеит.

АҞӘА, нанҳәа 6 — Sputnik, Анжелика Бениаԥҳа. Арт-фестиваль "Эвкалиптовый ветер Абхазии" аихшьалақәа мҩаԥыргеит нанҳәа 5 рзы Диоскураа рыԥшаҳәаҟны ҳәа аалыцҳаит аҭыԥаҟны иҟаз Sputnik акорреспондент.

Арт-фестиваль мҩаԥысуан х-хырхарҭак аманы: апоезиа, аҿыханҵа, асахьаркыратә фото.

Аԥсны иаатит арт-фестиваль "Эвкалиптовый ветер Абхазии"

"Аҿыханҵа" акатегориаҟны (7 шықәса инаркны 13 шықәсанӡа) актәи аҭыԥ еихыршеит Елана Џьапуаԥҳаи Жанна Матиухинеи, (14 шықәса инаркны 17 шықәсанӡа) – Милена Бичбаиа. Аиҳабацәа рыбжьара актәи аҭыԥ ланашьахеит Мариа Аиԥҳа, Гран-при ланашьахеит Аида Аџьԥҳа.

"Асахьаркыратә фото" аноминациаҟны 17 шықәса рҟынӡа зхыҵуаз рыбжьара актәи аҭыԥ ааникылеит Олег Василишин, аиҳабацәа рыбжьара – Инал Арлан. "Асахьаркыратә фото" аноминациаҟны афестиваль Агран-при иоуит Сириатәи ҳџьынџьуаҩ Зевар Коншао.

"Апоезиа" аноминациаҟны актәи аҭыԥ имоуп Ремзи Аиба.

Аҟәа ақалақь Ахадара Аҿари аспорти рызҵаарақәа рзы илак афестиваль Агран-при зоуз хаҭалатәи ацәыргақәҵақәа рзеиҿыркаарц иақәдыргәыӷит.

"Асахьаркыратә фото" аноминациаҟны афестиваль Агран-при зауз, афотоҭыхҩы-ҿа, Сириатәи ҳџьынџьуаҩ Зевар Коншао хәы-шықәса ҵуеит ари аус инапы алакуижьҭеи.

"Сара даара исгәаԥхоит аԥсабара, ақалақьқәа, аԥстәқәа рфотоҭыхра. Аинтерес ду сыманы схы аласырхәит ари аиндаҭлара. Хаҭалатәи ацәыргақәҵазы сара ирацәаны аусумҭақәа сымоуп", — иҳәеит иара.

Иара абри акатегориаҟны актәи аҭыԥ аанызкылаз Инал Арлан иазгәеиҭеит ари афестиваль ҩынтәны ихы шалаирхәыз.

"Сара исҭахын сусумҭа ианыԥшырц зегь еицырдыруа аха иара убри аамҭазы зынӡаск иҿыцу акы. Асеиԥш иҟоу аиндаҭларақәа схы рыласырхәуеит избанзар аинтерес сызрыҵоуп. Аинтерес сымоуп сусумҭақәа шрыдыркыло, апрофессионалцәеи иара убас ахәаԥшцәеи урҭ иахырҳәаауа", — иҳәеит Арлан.

"Иҟоуп аинтерес зҵоу аусумҭақәа, аха иара убри аан атема џьаргьы иныҭкааны иаартым. Аамҭагьы маҷын афестиваль иазоушьҭыз, мшы заҵәык акәын. Сгәы иаанагоит хымш рҟынӡа рымазҭгьы аҽакала рҽаадыртуан ҳәа", — иҳәеит афестиваль атема "Любимый предмет в Сухуме" автор Архип Лабахәуа.

"Сынтәатәи афестиваль мҩаԥысуеит "Аҟәа — аҿар рыблала" захьӡу апроект аҳәаақәа ирҭагӡаны", — ҳәа Sputnik акорреспондент изеиҭалҳәеит Аҟәа ақалақь Ахадара аҿари аспорти рызҵаарақәа рзы Аилак азанааҭуаҩ Мариа Кәакәасқьырԥҳа.

Абар, уажәшьҭа ԥшьынтәуп, Аҟәа, амшын аԥшаҳәаҟны арт-фестиваль алахәылацәеи ахәаԥшцәеи еизнагоижьҭеи.

"Афестиваль иалнаршоит аҿар рҟазара аарԥшра, реинырра", — ҳәа азгәалҭеит Кәакәасқьырԥҳа.

Арт-фестиваль "Эвкалиптовый ветер Абхазии" алахәылацәа русумҭақәа ажиури ирыдгалан нанҳәа 4 рзы.

© Sputnik Анжелика БенияОбладатель Гран-при арт-фестиваля в номинации "Художественная фотография", репатриант из Сирии Зевар Коншао.
1/7
Обладатель Гран-при арт-фестиваля в номинации "Художественная фотография", репатриант из Сирии Зевар Коншао.
© Sputnik Анжелика БенияАрт-фестиваль "Эвкалиптовый ветер Абхазии"
2/7
Арт-фестиваль "Эвкалиптовый ветер Абхазии"
© Sputnik Анжелика БенияЧлен жюри арт-фестивалья "Эвкалиптовый ветер Абхазии" скульптор Архип Лабахуа.
3/7
Член жюри арт-фестивалья "Эвкалиптовый ветер Абхазии" скульптор Архип Лабахуа.
© Sputnik Анжелика БенияАрт-фестиваль "Эвкалиптовый ветер Абхазии"
4/7
Арт-фестиваль "Эвкалиптовый ветер Абхазии"
© Sputnik Анжелика БенияАрт-фестиваль "Эвкалиптовый ветер Абхазии"
5/7
Арт-фестиваль "Эвкалиптовый ветер Абхазии"
© Sputnik Анжелика БенияАрт-фестиваль "Эвкалиптовый ветер Абхазии"
6/7
Арт-фестиваль "Эвкалиптовый ветер Абхазии"
© Sputnik / Анжелика БенияАрт-фестиваль "Эвкалиптовый ветер Абхазии"
7/7
Арт-фестиваль "Эвкалиптовый ветер Абхазии"
1/7
Обладатель Гран-при арт-фестиваля в номинации "Художественная фотография", репатриант из Сирии Зевар Коншао.
2/7
Арт-фестиваль "Эвкалиптовый ветер Абхазии"
3/7
Член жюри арт-фестивалья "Эвкалиптовый ветер Абхазии" скульптор Архип Лабахуа.
4/7
Арт-фестиваль "Эвкалиптовый ветер Абхазии"
5/7
Арт-фестиваль "Эвкалиптовый ветер Абхазии"
6/7
Арт-фестиваль "Эвкалиптовый ветер Абхазии"
7/7
Арт-фестиваль "Эвкалиптовый ветер Абхазии"

 

Ажәабжьқәа зегьы
0