Асланбек Гәарамиа ақәыԥшцәа рыбжьара зхы иақәиҭу ақәԥараҿ дчемпионхеит

© Sputnik / Владимир Баранов / Амедиаҵәахырҭахь аиасраАиқәԥара. Архивтә фото
Аиқәԥара. Архивтә фото - Sputnik Аҧсны
Анапаҵаҩра
НовостиTelegram
ЦСКА ааӡаҩ Асланбек Гәарамиа адунеиаҿ реиҳа иӷәӷәоу ақәԥаҩцәа ртурнир аҟны ахьтәы медал игеит.

АҞӘА, цәыббра 1 — Sputnik, Роберт Џьапуа. Аԥснытәи аспортсмен Асланбек Гәарамиа ақәыԥшцәа рыбжьара зых иақәиҭу ақәԥараҟны адунеи дачемпионхеит ҳәа Sputnik акорреспондент изеиҭалҳәеит Ареспублика абаҩрҵәыреи аспорти рзы Аҳәынҭқарратә еилакы аҟны аинформациаз азанааҭуаҩ хада Хатуна Кәыҵниаԥҳа.

"Урыстәыла ахьӡала иқәгыло Асланбек Гәарамиа болгариатәи ақәԥаҩ Иван Стефанов дииааит. Иара убри алагьы иара икапан иаҵанакуа рыбжьара Адунеи ачемпион ҳәа ахьӡ даԥсахеит", — ҳәа азгәалҭеит Кәыҵниаԥҳа.

ЦСКА ааӡаҩ Асланбек Гәарамиа адунеиаҿ реиҳа иӷәӷәоу ақәԥаҩцәа ртурнир аҟны ԥшьынтә дықәгылеит, рыԥшьынтәгьы аиааирақәа игеит. Афиналбжаҟны Ирантәи ақәԥаҩ Ҳамед Муҳаммадреза Манафианва дииааит 13:2 ҳәа, афинал аҟны болгариатәи ақәԥаҩ Иван Стефанов дииааит.

Аицлабрақәа мҩаԥысуан нанҳәа 26-30 рзы, Босниеи Герцеговинеи раҳҭнықалақь Сараево аҟны. Урыстәылатәи акадетцәа ахьтәы медалқәа 5, араӡны медалқәа 2, аџьазтә медалқәа 2 ргеит.

Ажәабжьқәа зегьы
0