Аԥсны Аҳәынҭқарра Амш Москва иазгәарҭоит

© Sputnik / Екатерина Чеснокова / Афотобанк ахь аиасраОтдых на ВВЦ
Отдых на ВВЦ - Sputnik Аҧсны
Анапаҵаҩра
Yandex newsTelegram
Аԥсны Аҳәынҭқарра Амш Москва иазгәарҭараны иҟоуп цәыббра 6 рзы, ВДНХ Атеатр иаҵәа аҟны.

АҞӘА, цәыббра 1 — Sputnik, Анжелика Бениаԥҳа. Аԥсны Аҳәынҭқарра Амш Москва иазгәарҭараны иҟоуп цәыббра 6 рзы, ВДНХ Атеатр иаҵәа аҟны ҳәа ҳкорреспондент илзааицҳаит Афонд "Аԥсны Аҳәынҭқарра жәларбжьаратәи акультура-усутә центр" адиректор Олег Лакоба.

Иара иажәақәа рыла, Аԥсны Амш ҩынтәуп уажәы иазгәарҭоижьҭеи.

"Аԥсны Амш ҩынтәуп уажәы иазгәарҭоижьҭеи. Сынтәа иара амҩаԥгареи Москва Амш амҩаԥгареи еиқәшәеит. Ари аҵакгьы еиҳанатәит. Аԥсны Амш аныҳәа аԥсуа ҟазара аусзуҩцәа москваа ирзыҟарҵо ҳамҭоуп", — иҳәеит Лакоба.

Афонд "Аԥсны Аҳәынҭқарра жәларбжьаратәи акультура-усутә центр" ишаанацҳауала цәыббра 6 рзы ацәыргақәҵа аҭааҩцәа ирзыԥшуп сахьа рацәала еилоу амилаҭтә шоу, амузыкатә программа хыркы.

Маҳинур Папааԥҳа - Sputnik Аҧсны
Маҳинур Папаԥҳа: Кериман - аамҭа бзиақәа рбырфын тыԥҳа лакәын

"ВДНХ еснагь аиашьаратә республикақәа рхаҭарнакцәа рҭаара еигәырӷьоит. Аԥсны иреиӷьу артистцәа абри амш аҽны Атеатр иаҵәа асценахь ицәырҵуеит рҟазара ахәаԥшыҩцәа ирыцеиҩыршарц", — ҳәа аҳәоит аацҳамҭаҟны.

Иара убасгьы иазгәаҭоуп аныҳәатә программа актәи ахәҭаҟны адирижиор Сергеи Тарарин инапхгарала Москватәи асимфониатә оркестр "Русскаиа филармониа" дацны дшықәгыло Урыстәылатәи Афедерациа зҽаԥсазтәыз артистка, Аԥсны жәлар рартистка, Москватәи амузыкатә театр "Геликон-опера" асолистка Алиса Гыцԥҳа. Иқәгылараны иҟоуп жәларбжьаратәи аконкурсқәа рлахәылацәа, Аԥснытәи аҳәынҭқарратә филармониа асолистцәа Елена Анқәабԥҳа, Альдона Цкәыуаԥҳа, Нана Черқьезиаԥҳа, Амра Барганџьиаԥҳа, Алхас Ферызба, Саид Гобечиа, Армен Хачатуриан.

Урҭ рынагӡарала асцена иқәҩышт Верди, Беллини, Пуччини, римски-Корсаков уҳәа рырҿиамҭақәа.

Аҩбатәи ахәҭаҟны амилаҭтә кәашарақәа ддырбараны иҟоуп Кандид Ҭарба напхгара зиҭо, Аҳәынҭқарратә жәлар рыкәашара ансамбль "Кавказ" артистцәа.

Ахәаԥшцәа ирбараны иҟоуп ачара кәашара, ашьхаҭыԥҳацәа рыкәашара, авара рыкәашара иара убасгьы ахареографиатә компазициа "Кавказ" ҳәа аанацҳауеит Афонд "Аԥсны Аҳәынҭқарра жәларбжьаратәи акультура-усутә центр".

Аныҳәатә концерт еиҿкаахоит Афонд "Аԥсны Аҳәынҭқарра жәларбжьаратәи акультура-усутә центр", Аԥсны Аҳәынҭқарра Акультура аминистрра, ВДНХ-а, Урыстәыла иҟоу Аԥсны Ахәаахәҭратә хаҭарнакра рымчала.

Ажәабжьқәа зегьы
0