АҞӘА, цәыббра 3 — Sputnik, Асҭанда Арӡынԥҳа. Аԥсни Венесуелеи рҽазыҟарҵоит аҳәынҭқаррабжьаратә еиқәшаҳаҭрақәа жәпакы анап рыҵаҩра рҽаздырхиоит, арахь иаҵанакуеит аҩ-тәылак рыбжьара визада аиҭанеиааира азҵаарагьы. Абри атәы ажурналистцәа ирзеиҭеиҳәеит Аԥсны Аҳәынҭқарра Адәныҟатәи аусқәа рминистр Виачеслав Чрыгба.
"Ацҳаражәҳәаҩ Хуан Висенте Паредес Торреальбеи сареи ҳаиԥылараан ҳалацәажәон ҳтәылақәа рҟны иҟоу аҭагылазаашьақәа иара убасгьы ԥхьаҟатәи ҳаизыҟазаашьақәа ртәы. иахьазы азырхиара иаҿуп аиқәшаҳаҭрақәа, урҭ еиҳагьы иалдыршоит ҳаимадарақәа рырӷәӷәара. Арахь иаҵанакуеит визада аиҭанеиааираз аиқәшаҳаҭрагьы", — иҳәеит Чрыгба.
Боливариантәи Ареспублика Венесуела Аԥсны Аҳәынҭқарреи Аахыҵ Уаԥстәыла Ареспубликеи азханаҵеит 2009 шықәса цәыббра 10 рзы.
