Аҟәатәи ашколхәыҷқәа рхы аладырхәит "Агәы аԥхарра" захьӡу акциа

© Sputnik Астанда АрдзинбаАкция "День добрых дел".
Акция День добрых дел. - Sputnik Аҧсны
Анапаҵаҩра
НовостиTelegram
Аҳҭнықалақь ашколхәыҷқәа рхы аладырхәит агәыҳалалратә акциа "Агәы аԥхарра".

АҞӘА, жьҭаара 20 — Sputnik, Асҭанда Арӡынԥҳа. Зматериалтә ҭагылазаашьа уадаҩу рзы амаҭәа-ҩыҭәа аизгара акциа официалла хымш имҩаԥысуан, иагьхдыркәшеит жьҭаара 18 рзы, аха ацхыраара ҟазҵарц зҭахыз рхыԥхьаӡара акыр ирацәаҩхеит, урҭ уажәгьы ҳара ҳахь иааиуеит, ирылшо рыманы ҳәа ҳкорреспондент илзеиҭалҳәеит  агәыҳалалратә фонд "Кьараз" анагӡаратә директор Кама Гәаԥиаԥҳа.

Агәыҳалалратә акциа активла рхы аладырхәит ақалақь ашколхәыҷқәа.

"Абарҭ амшқәа зегьы ҳара ашколқәа ҳрылалан еизаагон ахәыҷқәа идырхиаз амаҭәа. Аҳамҭақәа зегьы лассы изықәнаго ирыҭахоит", — ҳәа азгәалҭеит Гәаԥиаԥҳа.

Ашкол №15 адиректор ихаҭыԥуаҩ Татиана Адаленко лажәақәа рыла ахәыҷқәа гәаҳәара дула  акциа рхы аладырхәит.

"Даара адгылара ҳарҭеит аҵаҩцәа рҭаацәагьы. Ҳара ҳаигәырӷьоит ихәарҭоу ак аҟаҵара ахьҳалшаз. Ааӡара аганахьалагьы ахәыҷқәа рзы ари акраҵанакуа иҟоуп. Ҳашкол ԥхьаҟагьы асеиԥш иҟоу акциақәа хымԥада аҽрыланархәуеит", — ҳәа ацылҵеит Адаленко.

Агәыҳалалратә еиҿкаара "Кьараз" ахәыҷқәа ашкол ахь рышьҭра иацхраауеит

Агәыҳалалратә фонд "Кьараз" асиаҟны иарбоуп ацхыраара зҭахны иҟоу 70 ҭаацәара.

"Ҳара макьана аманиторинг хаҳмыркәшац, ҳсиа еснагь ҳазыхиоуп арҭбаара. Зылшара маҷу аҭаацәарақәа реиҳарак ақыҭақәа рҟноуп иахьынхо. Урҭ ахәыҷырацәа рымоуп. Ҳацхыраара еснагь иазыԥшуп", — ҳәа азгәалҭеит Гәаԥиаԥҳа.

Акциа "Агәы аԥхаара" анхыркәшахалак ашьҭахьгьы изҭаху зегьы алшара рымоуп амаҭәа ԥха афонд ахь анагара ҳәа лҳәеит лара.

Афонд "Кьараз" шьаҭаркуп 2015 шықәса мшаԥымзазы. Аиҿкаара аусура хацнаркит аволонтиортә акциақәа рыла Facebook адаҟьақәа рҟны. Иахьазы аусура мҩаԥнагоит ақыҭатә хадарақәеи ауаажәларратә активистцәеи дареи анырра рыбжьаҵаны

Ажәабжьқәа зегьы
0