АҞӘА, жьҭаара 30, Sputnik. Жәларбжьаратәи аинформациатә агентреи арадио Sputnik Абхазиеи амедиаеилахәыра аҳәаақәа ирҭагӡаны имҩаԥыргоит амотациклқәа рыла Аԥсны Ахраҿеи Урыстәыла амотоциклтә Федерациа Ахраҿеи ргарази ендуро аиндаҭларақәа. Sputnik Абхазиа апортал аҟны аԥсышәалеи урысшәалеи ицәырнагоит 2015 шықәса рзы ареспубликаҟны зегь реиҳа еиҳа иекстремалтәу аспорттә хҭыс ҳәа ишьоу аиндаҭлара аҟынтәи афотолентақәеи авидеои.
Аиндаҭларақәа мҩаԥысраны иҟоуп жьҭаара 31, абҵара 1 рзы Аҟәатәи аплиаж аҟны. Аиндаҭларақәа рхы ркуеит Синоптәи аплиаж аҟны. Ҩымш ирылагӡаны аспортсменцәа еисоит амшын иаԥну аԥслымӡратә плиаж аҟни аҟәаԥа-ҿаԥараҟни. Ахраҿақәа ргаразы алахәылацәа еихшахоит категориала, алахәылацәа рышықәси амотациклқәа рырныҟәага ахышәа-ҵышәеи азыԥхьагәаҭаны.
"Sputnik Абхазиеи аспорттә еиндаҭларақәа реиҿкааҩцәеи русеицура традициак аҟазшьа аиуа иалагеит. Ҳара ҳзы акраҵанакуеит ҳпортал аҟны ицәырааго аспорттә хҭысқәа аҿар ринтерес рыманы иахьыҟоу. Агәра згоит аинтернет аҟны амотоспорт аинтерес зкыз ԥхьаҟа аԥсҭазаараҟынгьы абри аспорттә хкы далахәылахар алшоит ҳәа. Ендуро амаршрутқәа ирымоуп алшара еиҭах адунеи зегьы Аԥсны аԥшӡара ҭыԥқәа дырбара", — иҳәеит анапхгаҩы Sputnik Абхазиа Инал Лазба.
Ендуро – амотоспорти амаланыҟәатә спорти ирыхкуп. Аиндаҭларақәа мҩаԥыргоит еиуеиԥшым ахҟьара змоу аҭыԥқәа рҟни аҟәаԥа-ҿаԥараҟни. Абри адисциплиназы ахархәара рымоуп иҷыдоу аспорттә мотоциклтәи амаланыҟәатәи техника.
Sputnik (sputniknews.com) – жәабала атәылақәа рыҟны иҟоу ажәабжьтә агентра, амультимедиитә информациатә хабқәа зманы иҟоу арадио. Sputnik ахь иаҵанакуеит 30 рҟынӡа асаитқәа, аналогтәи ацифратәи радиодырраҭарақәа, амобилтә цҵақәеи асоциалтә ҳақәа рыҟны адаҟьақәа. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла.
