АҞӘА, абҵара 11 — Sputnik, Роберт Џьапуа. Ҭырқәтәыла иҟоу аԥсуа диаспора ахаҭарнак Ҳалиук Саӡба Сҭамбԥыл иааиртит раԥхьатәи аԥсуа чысхә аресторан "Сылашара". Абри атәы ҳзааицҳаит Ҭырқәтәыла иҟоу Аԥсны Ахаҭарнак Инар Гыцба.
"Аресторан аадыртит ҳџьынџьуаа Ҳалиук Саӡбеи иԥшәмаԥҳәыс Гиулаи Храчааи. Иара азиатәи Сҭамԥыл ахәҭахьы иаҵанакуеит. Аамҭа маҷк иалагӡаны ари аҭыԥ бзиа еицырбеит ҳџьынџьуаа реиԥш аҭыԥантәи ауааԥсырагьы", — иҳәоит Инар Гыцба.
Иара иазгәеиҭеит аҭааҩцәа аԥсуа чысхә агьама дырбарала Аԥсны аӡбахәгьы еиҳа ибзианы ираҳар шалшо.
"Сылашара" ҳаԥсуа диаспора ахаҭарнакцәа иреиқәшәарҭа ҭыԥны иҟалеит, аԥсуа чыс иаднаԥхьалеит", — иҳәоит Гыцба.
Ресторан абхазской кухни "Сылашара" в Стамбуле.
© Sılaşara Restaurant-Cafe
Аресторан "Сылашара" аадыртит 2015 шықәса нанҳәамзазы.
