Аҟәа иаатит ацәыргақәҵа "Аԥсны-2015"

© SputnikВыставка "Абхазия-2015". Фото с места события.
Выставка Абхазия-2015. Фото с места события. - Sputnik Аҧсны
Анапаҵаҩра
НовостиTelegram
VI аԥсуа-аурыс усутә форум аҳәаақәа ирҭагӡаны Аԥсны Ахәаахәҭра-ааглыхратә палата иеиҿнакааз ацәыргақәҵа рхы аладырхәит 54 аԥснытәи наплакҩы.

АҞӘА, абҵара 13 — Sputnik, Наала Аҩӡыԥҳа. VI аԥсуа-аурыс усутә форум аҳәаақәа ирҭагӡаны  Аҟәа иаатит ацәыргақәҵа "Аԥсны-2015".

Аԥсны Ахәаахәҭра-ааглыхратә палата апрезидент ихаҭыԥуаҩ Адгәыр Лышәба иажәақәа рыла ацәыргақәҵа  рхы аладырхәит 54 аԥснытәи наплакҩы.

Ацәыргақәҵа иаанарԥшуеит Аԥсны иамоу амчлшара. Адгәыр Лышәба игәаанагарала  афорум амҩаԥгара аԥсуа аалыҵ аҭираз аџьырмыкьақәа ралԥшаара алнаршоит.

"Афорум – еинырроуп, еилацәажәароуп, економикатә усеицуроуп. Аԥсны аганахьала еснагь аинтерес аҭыԥ амоуп. Аԥсны туристтә тәылан мацара акәымкәа иаграртә тәылангьы ахы аԥхьаӡоит", – ҳәа азгәеиҭеит Лышәба.

Аԥсны аалыҵ аҳәаанхыҵҟа аекспорт ашьҭразы Урыстәыла аус ацнаулароуп. Урыстәылоуп ҳара економикатә лахәыланы иҳамоу.

Ацәыргақәҵа аҭааҩцәа дреиуоуп афорум алахәыла, Ашьха Ҟарабах аекономика аминистр Андраник Хачатуриан.

"Ҳара афорум ҳалахәылацәоуп. Иазырхианы иҳамоуп  Ашьха Ҟарабах аинвестициатә политика иазку ажәахә. Агәра згоит Аԥсны Аҳәынҭқарреи ҳареи аусеицуразы ҳаиныррақәа рацәахап ҳәа. Ҳара ҳекономика иахырхарҭа хадақәаны иԥхьаӡоуп  ақыҭанхамҩеи атуризми", — иҳәеит иара.

VI аԥсуа-аурыс усутә форум иалахәылоуп Аԥсны  Аекономика аминистрра, Ақыҭанхамҩа аминистрра, Акурортқәеи атуризми рзы аминистрра рхаҭарнакцәа, Урыстәылатәи Афедерациа Аекономикатә ҿиара аминистрреи  Нхыҵ Кавказ аусқәа рзы Урыстәылатәи Афедерациа аминистррақәеи рхаҭарнакцәа, Ареспублика Ҭаҭарсҭан Аекономика аминистрра ахаҭарнакцәа иара убасгьы  Урыстәылатәи Афедерациа  асубиектқәа рхадацәақәак. Иааизакны 300-ҩык инарзынаԥшуа.

I аурыс-аԥсуа усутә форум аартын Москва ақалақь аҟны 2010 шықәса лаҵарамзазы.

Ажәабжьқәа зегьы
0