АҞӘА, абҵара 15 — Sputnik. Аԥсны Ахада Франциа Апрезидент Франсуа Оланди афранцыз жәлари дрыдышшылеит ауааԥсыра рацәа рыԥсҭбара зыхҟьаз Париж имҩаԥгаз атеррористтә актқәа инарыдҳәаланы.
Рауль Ҳаџьымба идышшыларатә шәҟәы аҟны иаҳәоит:
"Аԥсны иқәынхо ажәлар зегь рыхьӡала гәыкала шәгәырҩа шәыцеиҩшо сшәыдышшылоит. Аҭынч уааԥсыра рыԥсҭаазаарақәа ҿахызҵәаз атеррористтә актқәа аҽазныкгьы иаҳдырбоит адунеи ауаажәларра зегьы аӡәк иеиԥш жәларбжьаратәи атерроризм иаҿамгылар ада ԥсыхәа шыҟам".
Рауль Ҳаџьымба иазгәеиҭеит Аԥсны жәлар Франциа иқәынхо ажәлар абри аамҭа уадаҩ аан ишрывагылоу.
"Аҳәара ҟасҵоит иҭахаз рыуацәеи-рҭынхацәеи, ргәакьацәеи рхьаа шрыцеиҩаҳшо, ааха змоу иаарласны агәабзиара зҩыда роура шырзеиӷьаҳшьо рашәҳәарц".
