Аԥсны зықәра наскьахьоу ауааԥсыра ргәабзиараҭҵаара мҩаԥыргоит

© Sputnik / Валерий Мельников / Амедиаҵәахырҭахь аиасраАрхивное фото.
Архивное фото. - Sputnik Аҧсны
Анапаҵаҩра
НовостиTelegram
Аексперименталтә патологиеи атерапиеи рнаукаҭҵааратә институт аҟны аԥсуаа рышықәсрацәанҵыра анырра азҭо афакторқәа ҭырҵаауеит.

АҞӘА, абҵара 17 — Sputnik, Наала Аҩӡыԥҳа. Аексперименталтә патологиеи атерапиеи рнаукаҭҵааратә институт аҟны аԥсуаа рышықәсрацәанҵыра анырра азҭо афакторқәа инарҭбааны иҭырҵаауеит. Абри атәы лҳәеит Аексперименталтә патологиеи атерапиеи рнаукаҭҵааратә институт абиохимиатә ҭҵаарақәа рлабораториа аиҳабы Лариса Аҳәԥҳа.

Ииасыз аҩеижәашықәса рыҩныҵҟа асеиԥш иҟоу аҭҵаарақәа уаҩы имҩаԥимгацызт ҳәа азгәалҭеит Аҳәԥҳа.

Аинфаркт иаԥхьанеиуа аҭагылазаашьа аазырԥшуа аппарат ҿыц роуит Аԥсны

Ари апроект иалшоит аԥсуаа ашықәс рацәа рхыҵра анырра азҭоны иҟоу афакторқәа раарԥшра.

"Ҳара иаҳҭахуп ауааԥсыра алаборатортә рбагақәа: агемоталогиа, абиохимиа, аиммунологиа, ареологиа рыла рыҭҵаара. Арҭ аҭҵаарақәа анервтә усура афизиологиа аҭҵаароуп имҩаԥырго. Аусурақәа рхы рыладырхәуеит еиуеиԥшым азанааҭуаа: атерапевтцәа, акардиологцәа, астоматологцәа, иара убасгьы аҭҵаарацҵа мҩаԥызго аԥсихиатор", — лҳәеит Лариса Аҳәԥҳа.

Апроект авторцәа иара убасгьы ирыгәҭакуп зықәра нықәсхьоу ауааԥсыра ргәабзиара ипроблема хаданы иамоу аилкаара.

"Регионцыԥхьаӡа амедицина ииашаны апланыркразы ибзианы иудыруазароуп урҭ арегионқәа рҟны иҟоу апроблемақәа. Урҭ реилкааразы комплексла анаукаҭҵаарақәа мҩаԥгалатәуп. Ари ашьаҿа анаукеи апрактикатә медицинеи русеицураҿы хра зманы иҟоу акакәны иҟоуп", — ҳәа азгәалҭеит Аҳәԥҳа.

Аексперименталтә патологиеи атерапиеи рнаукаҭҵааратә институт апроект хышықәса ҿҳәарас иамоуп, ахха аҵарауаҩ ишазгәалҭаз ала, аусурақәа мҩаԥыслоит ашықәс рацәа зхыҵуа ауаа Аԥсны иҟанаҵ.

Ажәабжьқәа зегьы
0