Ареспубликаҟны арахә аимҳәацәгьаз ргәаҭара иалагеит

© Sputnik Роберт ДжопуаАвакцинациа.
Авакцинациа. - Sputnik Аҧсны
Анапаҵаҩра
НовостиTelegram
20 шықәса рыҩныҵҟа Аԥсны аҳәынҭқарратә ветеринартә маҵзура раԥхьаӡа акәны иалагеит арахә аимҳәацәгьа рымоу ирымаму агәаҭара апрограмма.

АҞӘА, ԥхынҷкәын 16 — Sputnik, Роберт Џьапуа. 20 шықәса рыҩныҵҟа Аԥсны аҳәынҭқарратә ветеренартә маҵзура раԥхьаӡа акәны иалагеит арахә аимҳәацәгьа рымоу ирымаму агәаҭара апрограмма ҳәа ҳкорреспондент иеиҳәеит Аԥсны аҳәынҭқарратә ветеринартә маҵзура аиҳабы Роман Џьапуа.

"Ҳара ари аус ҳҽазыҟаҳҵоижьҭеи акрааҵуеит. Уаанӡа аԥаразоужьра иахҟьаны иаҳзынамыгӡацызт. Аусура хацҳаркырц ҳгәы иҭоуп ахшаалыҵи акәацаалыҵи ареспублика аџьармыкьақәа рахь иназго рырахә-рышәахә рҟынтәи", — иҳәеит Џьапуа.

Аԥсны аҳәынҭқарратә ветеринартә маҵзура аиҳабы Роман Џьапуа иҳаилиркааит арахә ишырзыҟаҵахо аимҳәацәгьа маӡалатәи аформақәа аазырԥшыр зылшо аиниекциа ҷыда.

"Атубиркулин цәаҵаҟала аԥстәы иаларгалоит, нас аллергиатә рекциала еилкаахоит аԥстәы аорганизм ҟьышьу иҟьышьыму. Агәаҭарақәа мҩаԥыргоит ҩынтә — 48 сааҭи 72 сааҭи рышьҭахь", — иҳәеит аветеринар.

Аветеренартә маҵзура аҳәаа аҟны аветеринартә усура иацнаҵароуп – Аншба

Аҳәынҭқарратә ветеринартә маҵзура аепизоотикатә ҟәша аиҳабы Олег Теремков иазгәеиҭеит ари апрограмма ареспублика ахьынӡа-наӡааӡо ишымҩаԥгахо.

"Ахш змыҵуа ашьамаҟа зегьы гәаҭахоит. Ауаа рацәак идуум афермақәа раԥҵара иалагеит. Урҭгьы ҳәарада игәаҭахоит. Ҳара ибзианы иҭаҳҵаароуп иҳамоу арахә ргәы ахьынӡабзиоу, избанзар урҭ раалыҵ шамахамзар зегь ҳхы иаҳархәоит. 300 рҟынӡа хы гәаҳҭахьеит. Анцәа иџьшьаны аимҳәацәгьа макьана акгьы иадҳамбалацт", — иҳәеит Теремков.

Зырахә агәаҭара иахрыжьыз Баслаҭа ақыҭаҟны инхо Аршавел Филбоиан иазгәеиҭеит ари аус шхымԥадатәиу.

"Ҳара ахш ҳжәуеит, иаҳҭиуеит. Ҳарахә шычмазаҩым анудыруа угәы ҭынчуп", — иҳәеит Филбоиан.

Аԥсны аҳәынҭқарратә ветеренартә маҵзура аиҳабы Роман Џьапуа иазгәеиҭеит асеиԥш иҟоу ауснагӡатәқәа шықәсык ахь знык акәзаргьы ишымҩаԥгалатәу.

Ауснагӡатә актәи аетап амҩаԥгара иаҿуп. Егьырҭ аетапқәа мҩаԥысраны иҟоуп 2016 шықәса рзы.

Ажәабжьқәа зегьы
0