Нина Балаева: атеатр ахәаԥшцәа радыԥхьалара адин ралагалара еиԥшуп

© Sputnik Томас ТхайцукАурыс драматә театр.
Аурыс драматә театр. - Sputnik Аҧсны
Анапаҵаҩра
НовостиTelegram
Шықәсык аԥхьа акапиталтә ремонт ашьҭахь Аҳәынҭқарратә аурыс драматә театр иаанартит атеатртә сезон.

АҞӘА, ԥхынҷкәын 17 — Sputnik, Анжелика Бениаԥҳа. Ашықәстәи аусура аихшьаалақәа ҟалҵеит атеатр асахьаркыратә напхгаҩы Нина Балаева.

"Ари ашықәс акыр иуадаҩыз шықәсын. Арепертуар иазҳархынҳәит аспектакльқәа хәба. Асезонгьы жьҭаарамзанӡа ҳнахеит. Ҳәарада хә-спектакльк рацәам. Иҟоуп ахәаԥшцәа изныкымкәа еиҭарыхәаԥшыз", — лҳәеит лара.

Асахьаркыратә напхгаҩы иазгәалҭеит ахәаԥшҩы атеатр иадыԥхьалара имариоу усны ишыҟам.

"Ахәаԥшҩы атеатр бзиа ирбара аамҭа зҭаху, имариам усуп. Аиҳаракгьы атеатр абзиабаҩ ҳәа зхы зымԥхьаӡо. Урҭ ауаа удин иадуԥхьалоушәа урызныҟәалароуп, маҷ-маҷ. Иаразнак урҭ арахь иааурԥшырц азы аԥара аҭахуп, аӡыргара аҭахуп. Уигьы аԥарада иузымҩаԥгом", — ҳәа азгәалҭоит Балаева.

Нина Балаева. - Sputnik Аҧсны
Нина Балаева: Аибашьра уԥсҭазаара ахәҭак уцәнарӡуеит

Лара иаҳзеиҭалҳәеит абҵарамзазы атеатр аусура анхацнарк ахәыҷқәа рзы ишалагаз ақәгыларақәа реиқәыршәара. Ашықәс ҿыц актәи ақәгыларақәагьы спектакль дук аҟара аџьеи, амчи, афантазиеи рҭахуп. Иара убас аԥарагьы, ҳәа азылыԥхьаӡоит лара.

"Акультура аминистррагьы иҳаднагалоит, иара ҳаргьы иаадыруеит ахәыҷтәи ақәыԥштәи аудиториа атеатр ахь ишаагатәу. Еиуеиԥшым ақәрақәа ирықәшәо аспектакльқәа ықәыргылатәуп", — лҳәеит Балаева.

Лара лажәақәа рыла ашықәс ҿыц азтәи аныҳәақәа рышьҭахь аурыс драматә театр иара ахатәы усура иацнаҵоит. Иқәыргылахоит ажәытә спектакльқәа реиԥш аҿыцқәагьы.

"Ҳаплан аҟны иаҳарбахьоу аԥхьа ицәыргахоит. Аха уи иарбану макьана исызшәаҳәом, имаӡаз", — лҳәоит атеатр анапхгаҩы.

Балаева ишылҳәаз ала ԥхынҷкәын 25 рзы атеатр аҟны ахәыҷқәа идырбахоит аспектакль ҿыц "Акосмоԥсаӡ".

Лара иазгәалҭеит аобиект анрырҭоз ацехқәагьы инагӡаны еиқәыршәазар шакәу, аха афинансзымхара иахҟьаны ус ишаанхаз.

"Абра ижәбо зегьы ҳаӡахҩы лнапкымҭоуп. Лусура ҭыԥ еиҭалкыр лҭаххар зегь лгар акәхиот", — лҳәоит Балаева.

Аспектакль "Нет суда на дураков" мҩаԥысит Аурыс драматә театр аҟны

Балаева дазааҭгылоит иааинырслан иқәыргыло аспектакльқәа рыҩаӡара рацәак ишыҳаракым.

"Аспектакль арепетициақәа рацәаны иахнагароуп", ҳәа азылыԥхьаӡоит Нина Балаева.

Аҟәатәи аурыс драматә театр ахыбра акапиталтә ремонт азун урыстәылатәи афинанстә цхыраара амчала. Аргылаҩцәа идырҿыцит азал, асцена, аинтериер. Аофициалтә аартра мҩаԥган 2014 шықәса лаҵарамза 22 рзы.

Атеатр ақәыргыламҭақәа рсиаҟны иарбоуп аурыси аҳәаанхыҵи классикатә рҿиамҭақәа (А. Пушкин, А. Чехов, В. Шекспир, А. Франс). Арепертуар иалоуп иара убасгьы ҳаамҭазтәи урыстәылатәии аԥснытәии адраматургцәа рырҿиамҭақәа.

Атеатр аадыртит 1981 шықәсазы, Аҟәатәи аҳәынҭқарратә ахәаԥшҩы қәыԥш итеатр ҳәа ахьыӡҵаны. 1990 шықәсазы – Аурыс драматә театр ҳәа ахьӡ еиҭаркит.

Ажәабжьқәа зегьы
0