Чрыгба: еиҭамҵуа амазара атәымтәылауаа раархәара азҵаара ҳазхәыцуеит

© Sputnik Томас ТхайцукЕиҭамҵуа амазара.
Еиҭамҵуа амазара. - Sputnik Аҧсны
Анапаҵаҩра
Yandex newsTelegram
Адәныҟатәи аусқәа рминистр Виачеслав Чрыгба иазгәеиҭеит асеиԥш иҟоу азҵаара аӡбразы еиуеиԥшым аспектқәа ирызхәыцтәуп ҳәа.

АҞӘА, ԥхынҷкәын 21 — Sputnik. Аԥсны азыхиоуп атәымтәылауаа еиҭамҵуа амазара раархәара азҵаара иныҭкааны азнеира, иҳәеит Адәныҟатәи аусқәа рминистр Виачеслав Чрыгба.

Чрыгба: ашәарҭадара азҵаарақәа ҳара ҳзы зегьы ирыцкуп

Иара иажәақәа рыла, абри аганахьала Аԥсны имҩаԥысуеит аиҿыхарақәа. "Ауаажәларра рҟны абри аганахьала агәаанагарақәа рҽыршеит. Ҳәарада ари азҵаара цәырҵуеит аурыс-аԥсуа форумқәа рҟынгьы", иҳәеит Чрыгба Sputnik аинтервиу аҭо.

"Иуҳәар ауеит Аԥсны еиҭамҵуа амазара аҭира азҵаара инагӡаны аус адулам ҳәа. Ииашоу алкаақәа рыҟаҵаразы иаҭахуп апрофессионалтә ҭҵаарақәа – аекономикатә, асоциалтә аспектқәа реиԥш иҟоу", — иҳәеит Чрыгба.

Адипломат иазгәеиҭеит асоциалтә иашара азҵаарагьы ишавстәым, избанзар атәымтәылауаа анхарҭа ҭыԥқәа раархәараан урҭ рыхәԥса еиҳанатәуеит. Аԥсуа уаажәларра уи макьаназы иазыхиам.

"Аԥсны ауааԥсыра реиҳараҩык, ҷыдала мрагыларатәи ахәҭа ауааԥсыра рҳаи-рҷышьи еихьырыгӡоит. Урҭ ҳәарада ирылшом атәымтәылауаа иршәо ахәԥсала анхарҭа аахәара. Асеиԥш аан атәыла анапхгара арҭ аҭагылазаашьақәа зегьы ирызхьаԥшроуп – акомпенсациатә механизмқәа рзаԥнаҵароуп. Усеиԥш иҟалар азҵаарагьы уацәымшәартә аҟазшьа аиуеит", — иҳәеит Чрыгба.

Иара убасгьы иазгәеиҭеит, атәымтәылауаа аԥхынтәи адачақәа ахьдыргылаша адгьылқәа рзалхызар ауеит ҳәа, усеиԥш ҟарҵоит Испаниа, Ҭырқәтәыла.

"Иааинырслан азҵаара аӡбара иашам. Азҵаара инарҵауланы иҭҵаатәу акакәны иҟоуп", — иҳәеит адипломат.

Ажәабжьқәа зегьы
0