Аԥсны астатистика асистема ООН астандартқәа ирықәшәоит

© flickr.comАкалькулятор
Акалькулятор - Sputnik Аҧсны
Анапаҵаҩра
Yandex newsTelegram
Росстат аҟны ишазгәарҭаз ала Аԥсны астатистикатә рбагақәа рышьақәыргылра аусмҩаԥысшьа жәларбжьаратәи астандартқәа ирықәшәо иҟоуп, хаҭала иазхьаԥшуп амилаҭтә ԥхьаӡара асистема арбагақәа рметодологиа аиӷьтәра.

АҞӘА, ԥхынҷкәын 25 — Sputnik. Аҵыхәтәантәи ашықәсқәа рзы Аԥсны Аҳәынҭқарра астатистикатә маҵзура аус ду ҟанаҵеит аофициалтә статистикатә ҳасабзуреи аҳәынҭқарратә статистикатә системеи реиӷьтәразы, урҭ ООН астандартқәа ирықәшәо рыҟаҵаразы, ҳәа азгәарҭеит Урыстәыла аҳәынҭстатистика Афедералтә маҵзураҟны.

Аԥсны аҳәынҭқарратә информациатә маҵзура ишаанацҳауа ала, ԥхынҷкәынмза азыбжазы, Аԥсны Аԥыза-министр Артур Амқәаби Росстат ахаҭарнакцәеи еиԥылеит. Урыстәылатәи аделегациа иахықәкны иҟан рԥышәа аԥснытәи рколлегацәа рымадара, ареспубликаҟны аҳәынҭқарратә статистика аҿиара ахырхарҭақәа аус рыдулара.

Росстат аҟны иара убри аамҭаз иазгәарҭеит ақыҭанхамҩатә ҭаҩра аганахьала азҵаарақәа ишрыламцәажәац, ҩ-ганктәи аконсультациақәагьы шымҩаԥырымгац.

Росстат азанаҭуаа иҳаракны ахәшьара арҭеит Аԥсны астатистикатә маҵзура иаиуз аҿиара.

Аԥсны Аҳәынҭқарра астатистикатә маҵзура аус ду ҟанаҵеит аофициалтә статистикатә ҳасабзуреи аҳәынҭқарратә статистикатә системеи реиӷьтәразы, урҭ ООН астандартқәа ирықәшәо рыҟаҵаразы, ҳәа азгәарҭеит Урыстәыла аҳәынҭстатистика Афедералтә маҵзура аусзуҩцәа.

Ареспубликаҟны "Аԥсны Аҳәынҭқарра астатистикатә усуразы" ҳәа Азакәан рыдыркылеит 2011 шықәса жәабранмзазы. Ақыҭанхамҩатә ҭаҩра ареспубликаҟны ихацыркхараны иҟоуп ааԥынразы.

Ажәабжьқәа зегьы
0