АҞӘА, ажьырныҳәа 12 — Sputnik, Асҭанда Кәыҵниаԥҳа. Аԥсны еизгоу акоманда "Мои Золотые" Шәача имҩаԥысуа Жәларбжьаратәи афестиваль "КиВиН-2016" иалахәхоит, ҳәа ҳаиҳәеит акоманда адиректор Давид Ҵышәба.
"Ҳара иҳалшо зегь ҟаҳҵоит аҩбатәи атур ахь анеиразы. Ҳара ҳагәҭакқәа рынагӡара ҳаҽшазаҳшәо ахәаԥшцәа ибзианы иреилҳаркаахьеит", — иҳәеит иара.
"Мои Золотые" адиректор иажәақәа рыла акоманда КВН Краснодартәи алигаҟны ахԥатәи аҭыԥ ааннакылеит. Иқәыԥшу акомандаз ари лҵшәа бзианы ишьоуп, иҳәоит иара.
"Ҳара ҳкомандеи еицырдыруа "Нарты из Абхазии" акомандеи еиԥшым стльла. Дасу ихаҭарашьа шьақәгылоуп", — иҳәоит адиректор.
Шәачатәи Жәларбжьаратәи афестиваль "КиВиН-2016" иалахәхоит 600 команда. Афестиваль мҩаԥысран иҟоуп аконцерттә зал "Горки Холл" аҟны. Аиндаҭларатә программа аартхоит ажьырныҳәа 12 рзы.
Алахәылацәа рхысроуп еиуеиԥшым ахәмарратә хкқәа, арегионалтә лигақәа рҟны ареитингқәа зегь рзы аҽышәарақәа рхыганы. Афестиваль хыркәшахоит ажьырныҳәа 23 рзы афиналтә шоу ателехәаԥшратә версиа аҭыхрала.
