Абжьаратәии абизнес маҷи аԥара рзоужьхоит

© Sputnik / Илья Питалев / Амедиаҵәахырҭахь аиасраРублевые купюры разного достоинства
Рублевые купюры разного достоинства - Sputnik Аҧсны
Анапаҵаҩра
НовостиTelegram
2016 шықәса рзы Аԥсны абжьаратәии абизнес маҷи акредитқәа рзоужьра аҳәаақәа ирҭагӡаны иазыԥхьагәаҭоуп 1,2 миллиард мааҭ рзырхара иҳәеит Рауль Ҳаџьымба.

АҞӘА, ажьырныҳәа 21 — Sputnik, Асҭанда Арӡынԥҳа. Аекономикаҟны азакәанреи аиҿкаареи мҩаԥгалатәуп абизнес аҿиаразы иманшәалоу аҭагылазаашьақәа раԥҵарала, иҳәеит атәыла Ахада Жәлар реизарахь инашьҭымҭаҟны.

"Ҳара ҿыц анаплакра зхы азызкыз рзы иаԥаҳҵалоит аԥыжәара змоу акредитзоужьрақәа, урҭ рзы илаҳарҟәлоит административтә ԥынгылақәа", — иҳәеит Ҳаџьымба.

Иара дазааҭгылан иазгәеиҭеит 2015 шықәса рзы Аԥсны ихацркхаз, абжьаратәии абизнес маҷи акредитқәа рзоужьра аҳәаақәа ирҭагӡаны ишазыԥхьагәаҭоу 1,2 миллиард мааҭ абжьаратәии абизнес маҷи рзырхара.

"Уажәтәи аамҭазы абанкқәа ркредиттә еилакқәа рҟны ахәаԥшразы ишьҭоуп ҳара ҳганахьала ибзиоуп ҳәа ззаҳҳәаз аинвестициатә проектқәа 18. Иаарласны урҭ реиҳарак рганахьала акредиттә еиқәшаҳаҭрақәа анапы рыҵаҩны аԥаразоужьра хацыркхоит", — иҳәеит иара.

2016 шықәса рзы аекономика аҿиара иазырхахоит ҩ-миллиардк мааҭ рҟынӡа аԥара.

"Анаплакыҩцәа рганахьала иаԥҵалатәуп аҭагылазаашьа маншәалақәа. Иааҟәымҵӡакәа агәаҭарақәа рымҩаԥгара аанкылатәуп. Ахылаԥшратә органқәа шықәсык ахь знык еиҳамкәа агәаҭарақәа мҩаԥыргалароуп", — иҳәеит Ҳаџьымба.

Ҳаџьымба атәыла аиҳабыра рнапы ианиҵеит ишалшо ала иаарласны абри аганахьала аӡбрақәа рыдыркыларц.

Ажәабжьқәа зегьы
0