АҞӘА, жьҭаара 26 — Sputnik, Бадраҟ Аҩӡба. Аԥсны аимҳәачымазара асезон иақәшәо ауп ишыҟоу, иҳәеит Агәабзиарахьчара аминистр Андзор Гоов АРСМИРА аҟны аҩаша, ажьырныҳәа 26 рзы имҩаԥысыз апресс-конференциаҟны.
"Ачымазарақәа еизҳауп аха аепидемиологиатә шәхымс иахысит ҳәа ҳазҳәом", — иҳәеит Гоов.
Аминистр иажәақәа рыла Аԥсны аҳәеимҳәа зыхьыз ҳәа аӡәгьы дыҟам.
"Ихадоу ианаамҭоу ахәышәтәырҭахь инеитәуп", ҳәа азгәеиҭеит аминистр.
Иара иажәақәа рыла иахьазы Аԥсны ичмазцәоуп 10-12 процент атәылауаа. Уи нормоуп ҳәа иазишьоит иара.
Аптекақәа рҟны авирусеиқәыртәага препаратқәа рыҟамзаара ма разымхара аганахьала Гоов иазгәеиҭеит урҭ иаарласны, мышқәак рыла атәылахь иааргараны ишыҟоу.
