Аибашьра ашьҭахь аҳәаа зыхьчоз аинвалидцәа рҭаацәа ацхыраара роулоит

© Sputnik Асида КвицинияЛеонид Чамагәуа.
Леонид Чамагәуа. - Sputnik Аҧсны
Анапаҵаҩра
НовостиTelegram
"Аԥсны Аҳәынҭқарра арратә мчрақәа ррезерв азы" азакәан иалагалоуп аԥсахрақәа. Урҭ рыдкылоуп жәабран 10 рзы Жәлар Реизара аилатәараҟны.

АҞӘА, жәабран 11 — Sputnik, Асида Кәыҵниаԥҳа. "Аԥсны Аҳәынҭқарра арратә мчрақәа ррезерв азы" азакәан иалагалоуп аԥсахрақәа. Урҭ рыдкылоуп жәабран 10 рзы Жәлар Реизара аилатәараҟны.

Жәлар Реизара адепутат Леонид Чамагәуа иҳаиҳәеит ҩы-шықәса раԥхьа ирыдкылаз азакәан инақәыршәаны, Аԥсны Жәлар Рџьынџьтәылатә еибашьра аинвалидцәа рҭаацәа есымза рхәыҷқәа рзы ирырҭон аԥара (хәыҷык изы зықь мааҭ аԥара). 2008 шықәса рзы анапы зҵаҩыз "Аԥсны Аҳәынҭқарра арратә мчрақәа ррезерв азы" азакәан иазыԥхьагәанаҭомызт аибашьра ашьҭахь аинвалидра зауз зықәра намӡац рыхшара рзы ацхыраагӡа ашәара.

"1994-1995шш. рзы 92-ҩык аибашьра алахәылацәа инвалидхеит. Аха дара арратә мчрақәа ррезерв ахь иаҵанакуеит, цхыраагӡа роуам. Азакәан ҿыц аҟны абри агха ҳариашоит", — иҳәеит иара.

Азакәан ҿыц анагӡаразы Атәанчахәытә фонд иоунашьҭраны иҟоуп 700 000 мааҭ аԥара.

Ажәабжьқәа зегьы
0