Аҟәатәи аказақцәа ратаман Владимир Москаленко Каман дҭахеит

© Sputnik / Томас ТхайцукАҭагылазаашьа ҷыдақәа рзы аминистрра.
Аҭагылазаашьа ҷыдақәа рзы аминистрра. - Sputnik Аҧсны
Анапаҵаҩра
НовостиTelegram
Аҭагылазаашьа ҷыдақәа рзы аминистр ихаҭыԥуаҩ Тигран Делибалтиан иаҳзааицҳаит Ҟәбантәи аказақцәа рыр Аҟәатәи аҟәша Атаман Владимир Москаленкои иара ихаҭыԥуаҩ Валери Джумиадии Каман иҭахеит ҳәа.

АҞӘА, жабран 15 – Sputnik, Бадраҟ Аҩӡба. Аҭагылазаашьа ҷыдақәа рзы аминистр ихаҭыԥуаҩ Тигран Делибалтиан иаҳзааицҳаит Ҟәбантәи аказақцәа рыр Аҟәатәи аҟәша Атаман Владимир Москаленкои иара ихаҭыԥуаҩ Валери Джумиадии Каман аҿҟьара иагеит ҳәа.

"Иҟалаз ҳарҳәеит акыр аҵх цахьаны. Ҳгәыԥ иаразнакы амашәыр ахьыҟалаз аҭыԥ ахь ицеит. Уаҟа аԥсыбаҩқәа ҩба аабеит", — иҳәеит иара.

Аминистр ихаҭыԥуаҩ иажәақәа рыла иҭахаз шьапыла иҟан.

"Рмашьына аҽа ҭыԥк аҟны игылан, дара шьапыла иҟан. Иҟалаз шыҟалаз ҳәа акгьы ҳаздырам", — иҳәеит иара.

Далибалтиан иажәақәа рыла аҿҟьара аҳаракыра 30-40 метра иҟоуп.

"Владимир Москаленко даара зуси зажәеи еимадаз уаҩын. Аԥсназы акыр ус бзиа ҟаиҵахьан, аибашьра далахәын. Ҳәарада, иҭахара зегьы ҳзы даара игәыхьуп", — иҳәеит Аԥсны аказақцәа Реидгыла ахантәаҩы Вадим Мироненко.

Владимир Москаленко шьҭрала Гәдоуҭа араион Бақлановка ақыҭа датәын. Аԥсны жәлар Рџьынџьтәылатә еибашьра далахәылан. Изныкымкәа ахәрақәа иоухьан.

Ажәабжьқәа зегьы
0