АҞӘА, жәабран 15 — Sputnik. Жәларбжьаратәи аинформациатә маҵзуреи арадиои Sputnik аусура хацнаркит таджик бызшәалеи урыс бызшәалеи ажәабжьтә портал. Зҟазара ҳараку ажурналистцәеи аредакторцәеи ркоманда еиҭарҳәалоит жәларбжьаратәи ажәабжьқәа, аҭагылазаашьақәа.
"Sputnik – ари ҳаамҭа иақәшәо амассатә информациа ахархәагоуп, егьырҭ АИХ (СМИ) иреиԥшым", ҳәа азгәалҭоит Sputnik аредактор хада Маргарита Симониан.
Ажәабжьтә портал ҿыц Sputnik Таджикистан амультимедиатә контент аԥхьаҩцәа ирыднагалоит: аинфографика, авидео, афоторепортажқәа, онлаин-ефирқәа, аинтернет-бжьыҭира. Урҭ рыдагьы араҟа ицәыргахоит аналитикатә материалқәа, аинтервиуқәа, аексперт хәшьарақәа.
Sputnik иаконцепцианы ишьоуп аԥыжәара змоу атехнологиақәа, апрофессионализм ҳаракы. Арҭ зегьы иаарласны адунеи зегь аҟны аудиториа хырхуеит. Sputnik иалнаршоит егьырҭ ирымҳәо аҳәара, еиуеиԥшым агәаанагарақәа рцәыргара.
Sputnik (sputniknews.com) – жәабала атәылақәа рыҟны иҟоу ажәабжьтә маҵзура, амультимедиитә информациатә хабқәа зманы иҟоу арадио. Sputnik ахь иаҵанакуеит 30 рҟынӡа асаитқәа, аналогтәи ацифратәи радиодырраҭарақәа, амобилтә цҵақәеи асоциалтә ҳақәа рыҟны адаҟьақәеи. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла.
