Иракли Черқьезиа аиндаҭлараҿы даиааит

© Sputnik Роберт ДжопуаConIFA анапаҵаҟала Аԥсны имҩаԥысраны иҟоу ашьапылампыл азы адунеи ачемпионат алогаоипқәа.
ConIFA анапаҵаҟала Аԥсны имҩаԥысраны иҟоу ашьапылампыл азы адунеи ачемпионат алогаоипқәа. - Sputnik Аҧсны
Анапаҵаҩра
НовостиTelegram
ConIFA анапаҵаҟала Аԥсны имҩаԥысраны иҟоу ашьапылампыл азы адунеи ачемпионат алоготип аԥҵаразы ирылаҳәаз аиндаҭлараҟны аиааира агеит Иракли Черқьезиа иаԥҵамҭа.

АҞӘА, жәабран 16 — Sputnik, Роберт Џьапуа. ConIFA анапаҵаҟала Аԥсны имҩаԥысраны иҟоу ашьапылампыл азы адунеи ачемпионат алогаоип аԥҵаразы ирылаҳәаз аиндаҭлараҟны аиааира агеит Иракли Черқьезиа иаԥҵамҭа. Абри атәы ҳзеиҭалҳәеит Аԥсны ашьапылампыл Афедерациа апресс-атташе Асҭанда Ахԥҳа.

"Абжьыҭира аанкылоуп. Аԥыжәара игеит Иракли Черқьезиа. Аиааира згази алахәылацәеи ҳрыдныҳәалоит", — лҳәеит Ахԥҳа.

Иааидкыланы аиндаҭлара рҽаладырхәит шәҩык инарзынаԥшуа ауаа. Жәабран 12 рзы алхратә комиссиа аиндаҭлара афинал алахәразы иалырхит аусумҭақәа ԥшьба. Хымш рыҩныҵҟа урҭ рҟынтәи еиӷьыз алырхит асоциалтә ҳақәа рҟны абжьыҭирала.

Иаиааиз ианашьахоит 50 000 мааҭ аԥаратә ҳамҭа.

Аиндаҭлараҟны аиааира згаз Иракли Черқьезиа иазгәеиҭеит арҭ аԥарақәа Афонд "Ашана" аԥхьаӡарахь ишахиԥхьаӡало.

2015 шықәса абҵарамзазы иӡбан FIFA иалам амилаҭтә командақәа ConIFA ашьапылампыл азы адунеи ачемпионат Аԥсны имҩаԥыргарц.

Италиатәи ақалақь Бергамо имҩаԥысыз аҵәҭаԥсара инақәыршәаны ачемпионат ахь иаараны иҟоуп жәаҩа команда.

Ажәабжьқәа зегьы
0